ఇటీవలే 'దసరా' సినిమా షూటింగ్ కంప్లీట్ చేసిన నేచురల్ స్టార్ నాని ఆ సినిమాలో మునుపెన్నడు లేని రఫ్ లుక్లో కనిపించాడు. ఇక షూట్ కంప్లీటయ్యింది కదా మన నాని ఇప్పుడు ఏ సినిమాతో అలరించనున్నాడని ఆతృతగా ఎదురుచూసిన ఫ్యాన్స్ కోసం తన 30 సినిమా అప్డేట్ను ప్రకటించాడు. నాని 30 అనే వర్కింగ్ టైటిల్తో తెరకెక్కుతున్న ఈ సినిమా అప్డేట్ను కూడా విన్నూత్నంగా ఓ వీడియో రూపంలో తెలిపాడు నేచురల్ స్టార్. అంతే కాకుండా ఇటీవలే తన న్యూ లుక్తో ఫ్యాన్స్ను ఆశ్చర్యపరిచాడు.
ఇందులో నాని..ఓ చిన్నారితో మాట్లాడుతూ సినిమాలోని తన లుక్తో పాటు ఎంటైర్ టీమ్ గురించి తెలియజేస్తాడు. అయితే ఆ గ్లింప్స్ చూసిన ఫ్యాన్స్ సినిమా అప్డేట్కు ఎమెషనల్గా కనెక్టయ్యారు. జెర్సీ సినిమాలో నాన్న పాత్ర పోషించిన నాని అందులో తండ్రి కొడుకుల రిలేషన్షిప్ను కళ్లకు కట్టినట్టు చూపించాడు. ఇక ఈ సినిమాలో చిన్నారితో కూడా అదే తరహా అనుబంధాన్ని చూడగలమంటూ ఆనందం వ్యక్తం చేస్తున్నారు.
ఎప్పుడూ కొత్త డైరక్టర్లతో పని చేసేందుకు ఇష్టపడే నేచురల్ స్టార్..తన కెరీర్‌లోని 30వ సినిమాకు కూడా కొత్త దర్శకుడినే ఎంచుకున్నాడు. అలా శౌర్యువ్ ఈ చిత్రానికి దర్శకత్వం వహిస్తున్నారు. వైరా ఎంటర్టైనమెంట్స్ తెరకెక్కిస్తున్న చిత్రాన్ని జనవరి 31న పూజా కార్యక్రమాలతో సెట్స్పైకి తీసుకురానున్నట్లు మూవీ టీమ్ ప్రకటించింది. కాగా ఈ మూవీలో నాని సరసన మృణాల్ ఠాకూర్ నటించగా యంగ్ మ్యూజిక్ డైరక్టర్ హేషమ్ అబ్దుల్ వహాబ్ మ్యూజిక్ అందించనున్నారు.
