Sarkaru Vaari Paata songs: పరశురామ్ దర్శకత్వంలో సూపర్స్టార్ మహేశ్బాబు నటించిన సరికొత్త చిత్రం 'సర్కారు వారి పాట'. ఈ చిత్రానికి సంబంధించి విడుదలైన ప్రతి అప్డేట్.. రికార్డుల మీద రికార్డులు సృష్టిస్తోంది. ఇదివరకు రిలీజ్ అయిన పాటలు శ్రోతలను ఉర్రూతలూగిస్తున్నాయి. ఇక సినిమా ట్రైలర్ అయితే.. టాలీవుడ్ రికార్డులను బద్దలు కొట్టి.. 24 గంటల వ్యవధిలో అత్యధిక వ్యూస్ రాబట్టింది. ఈ నేపథ్యంలో 'మ.. మ.. మహేశా' అంటూ సాగే సాంగ్ను విడుదల చేసింది చిత్ర బృందం. ఇప్పటికే రిలీజ్ అయిన ఈ పాట ప్రోమో.. యూట్యూబ్లో దూసుకెళ్తోంది. మహేశ్ ఈ పాటలో ఫుల్ జోష్తో వేసిన స్టెప్పులు అభిమానులను ఆకట్టుకుంటున్నాయి.
ఈ మూవీ మే12న ప్రపంచవ్యాప్తంగా థియేటర్లలో విడుదల కానుంది. మైత్రి మూవీ మేకర్స్, 14రీల్స్ ప్లస్ పతాకంపై నవీన్ యెర్నేని, రవిశంకర్, రామ్ ఆచంట, గోపీచంద్ ఆచంట నిర్మిస్తున్నారు. మహేశ్ బాబు సొంత ప్రొడక్షన్ కంపెనీ సైతం చిత్ర నిర్మాణంలో భాగమైంది. కీర్తి సురేశ్ కథానాయికగా నటించగా... తమన్ సంగీతం అందించారు.
- " class="align-text-top noRightClick twitterSection" data="">
ఇదీ చదవండి: మహేశ్ బాబు ఇంటిని చూశారా? మోడ్రన్ ఇంద్ర భవనమే!
