Junior NTR apologizes: అభిమానులకు క్షమాపణ చెబుతూ సామాజిక మాధ్యమాల్లో పోస్ట్ చేశారు యంగ్టైగర్ ఎన్టీఆర్. నేడు (మే 20) ఆయన పుట్టిన రోజు. ఈ సందర్భంగా శుభాకాంక్షలు తెలియజేయడానికి తారక్ నివాసానికి వందలాది అభిమానులు చేరుకున్నారు. అయితే తాను ఇంట్లో లేకపోవడం వల్ల వారిని కలవలేకపోతున్నందుకు క్షమాపణ చెప్పారు తారక్.
"నాకు శుభాకాంక్షలు తెలిపిన స్నేహితులు, కుటుంబసభ్యులు, శ్రేయోభిలాషులు, చిత్ర పరిశ్రమలోని నా సహచరులకు మనస్ఫూర్తిగా ధన్యవాదాలు. నాకు విష్ చేయడానికి నా ఇంటి వరకు వచ్చిన అభిమానులకు కృతజ్ఞతలు. ఈ అభిమానం నన్ను ఎంతో కదిలించింది. నా పుట్టినరోజును ప్రత్యేకంగా మార్చింది. అయితే నేను ఇంట్లో లేకపోవడం వల్ల మిమ్మల్ని కలవలేకపోతున్నందుకు క్షమించండి. మీ నిస్వార్థ ప్రేమ, సహకారం, ఆశీస్సులకు ఎప్పటికీ రుణపడి ఉంటాను."
-ఎన్టీఆర్, నటుడు
ప్రస్తుతం రెండు అదిరిపోయే చిత్రాలను లైన్లో పెట్టారు తారక్. కొరటాల శివ దర్శకత్వంలో 'ఎన్టీఆర్30', 'కేజీయఫ్' ఫేమ్ ప్రశాంత్ నీల్ డైరెక్షన్లో 'ఎన్టీఆర్31' రానున్నాయి. ఆయా చిత్రాలకు సంబంధించి విడుదలైన పోస్టర్లు దుమ్మురేపుతున్నాయి.
- " class="align-text-top noRightClick twitterSection" data="">
ఇదీ చూడండి: 'ఎన్టీఆర్ 31' ఫస్ట్‌లుక్‌ రిలీజ్‌.. ఎన్టీఆర్ లుక్ అదుర్స్
