తెలుగునాట యాంకర్గా బుల్లితెరపై రాణిస్తూనే మరోవైపు అవకాశం వచ్చినప్పుడల్లా వెండితెరపై మెరుస్తూ ప్రేక్షకుల్ని అలరిస్తోంది రష్మి. అయితే తాజాగా ఆమె రెమ్యునరేషన్ గురించి ఓపెన్ కామెంట్స్ చేశాడు జబర్దస్త్ కమెడియన్ హైపర్ ఆది. ఆ సంగుతులు..
తాజాగా జబర్దస్త్ లేటెస్ట్ ప్రోమో విడుదలైంది. ఇందులో కంటెస్టెంట్లంతా రెండు టీమ్లుగా విడిపోయి ఒకరిపై మరొకరు సెటైర్లు వేసుకుంటూ సందడి చేశారు. బుల్లెట్ భాస్కర్, ఇమ్మాన్యుయెల్, రాకింగ్ రాకేశ్ ఓ గ్యాంగ్గా మారి క్రికెట్ బ్యాట్స్తో ఎంట్రీ ఇచ్చారు. 'మా ఎక్స్ట్రా జబర్దస్త్లో ఇద్దరు అబ్బాయిలను ఇక్కడి ఇద్దరు అమ్మాయిలు వలలో వేసుకున్నారు. వారిని వదిలేయండి' అంటూ ఇమ్మాన్యుయెల్ కామెడీ వార్నింగ్ ఇచ్చాడు. ఈ క్రమంలోనే రెండో టీమ్ ఆది, రాకెట్ రాఘవ హాకీ స్టిక్స్తో వచ్చి ఆపోజిట్ గ్యాంగ్పై పంచ్ డైలాగ్లు వేస్తూ కితకితలు పెట్టించారు.
ఈ క్రమంలోనే బుల్లెట్ భాస్కర్ కల్పించుకుని.. 'ఇంత అవమానం జరిగాక ఇక్కడ ఎందుకు రష్మి.. పద వెళ్దాం.. నీ పేమెంట్ నేను ఇంటికి పంపిస్తా' అని అనగా.. అతడికి హైపర్ ఆది.. అదిరిపోయే కౌంటర్ వేశాడు. రష్మికి రెమ్యునరేషన్ ఇవ్వాలంటే.. 'నువ్వు వరుసగా 100 పెద్దమనిషి ఫంక్షన్స్ చేయాలి' అంటూ పంచ్ వేశాడు. దీంతో షో అంతా నవ్వులతో నిండిపోయింది. అనంతరం రాకెట్ రాఘవ చేసిన లేడీ గెటప్ స్కిట్, నూకరాజు మహారాజుల స్కిట్ నవ్వులు పూయించే విధంగా ఉంది. ప్రస్తుతం ఈ ప్రోమో యూట్యూబ్లో దూసుకుపోతుంది. పూర్తి ఎపిసోడ్ అక్టోబర్ 20న ప్రసారం కానుంది.
- " class="align-text-top noRightClick twitterSection" data="">
ఇదీ చూడండి: పుష్ప సినిమా గురించి నేనలా అనలేదు: డైరెక్టర్ తేజ
