Hero Ajith House : తమిళ స్టార్ హీరో అజిత్ కుమార్ ఇంటి గోడను మున్సిపాలిటీ సిబ్బంది ధ్వంసం చేశారు. ఇటీవలే తమిళనాడు చెన్నైలోని ఇంజంబాక్కంలో ఆయన నివాసమంటున్న ఇంటితో పాటు అదే కాలనీలో ఉన్న పలు ఇళ్ల గోడలను కూల్చారు. రోడ్డు విస్తరణతో పాటు డ్రైనేజీ పనులు జరుగుతున్న కారణంగా ఈ చర్యలు తీసుకున్నట్లు తెలిసింది. అయితే 2017లోనే అజిత్ తన నివాసానికి మరమ్మతులు చేయించారు. అందులో భాగంగా ఆ ఇంటికి మెరుగులు అధునాతన హంగులతో తీర్చిదిద్దించిన అజిత్.. తన తనయుడి కోసం స్పెషల్ రూమ్స్ను ఏర్పాటు చేయించారు. అంతే కాకుండా డ్యాన్స్ ప్రాక్టీస్ కోసం కూడా గదిని కేటాంచారు.
Ajith Upcoming Movies : 'తెగింపు' సినిమాతో మాసివ్ సక్సెస్ అందుకున్న అజిత్.. ఆ తర్వాత సినిమాలకు కొంత విరామం ఇచ్చి బైక్ రైడింగ్లో బిజీ అయిపోయారు. తాజాగా తన నెక్స్ట్ మూవీ 'విడాముయార్చి' షూటింగ్లో బిజీ అయిపోయారు. 'తాడం' ఫేమ్ మగిజ్ తిరుమేని ఈ చిత్రానికి దర్శకత్వం వహిస్తున్నారు. ప్రస్తుతం అజర్‌బైజాన్‌లో ఈ చిత్రం శరవేగంగా చిత్రీకరణ జరుపుకుంటోంది.
Ak 62 Movie : ఏకే 62 ప్రాజెక్ట్‌గా రానున్న ఈ చిత్రానికి తమిళ మ్యూజిక్ డైరెక్టర్ అనిరుధ్‌ రవిచందర్ సంగీతం అందిస్తుండ‌గా.. లైకా ప్రొడక్షన్స్ ఈ సినిమా నిర్మాణ బాధ్యతలు చేపడుతోంది. మరోవైపు ఈ చిత్రంలో అజిత్ సరసన ఇద్దరు హీరోయిన్లు నటించనున్నట్లు టాక్‌ నడుస్తోంది. వీరిలో త్రిష, తమన్నా పేర్లు వినిపిస్తుండగా.. ఈ విషయంపై ఇప్పటివరకు ఎటువంటి అఫీషియల్ అనౌన్స్మెంట్ రాలేదు.
Ajit Adhik Ravichandran Movie : మరోవైపు 'మార్క్ ఆంటోని'తో బ్లాక్ బస్టర్ సాధించిన ప్రముఖ దర్శకుడు అధిక్ రవిచంద్రన్.. అజిత్ 63వ చిత్రానికి దర్శకత్వం వహించనున్నారు. దీనికి సంబంధించిన ప్రీ ప్రొడక్షన్ పనులు మొదలయ్యాయని.. ప్రస్తుతం అజిత్, అధిక్ రవిచంద్రన్ కథా చర్చల్లో పాల్గొంటున్నట్లు సమాచారం. ఎల్రెడ్ కుమార్ నేతృత్వంలోని ఆర్‌ఎస్ ఇన్ఫోటైన్‌మెంట్ ఈ సినిమాకు నిర్మాణ బాధ్యతలు చేపడుతోందట. ఈ సినిమా గురుంచి కూడా ఇంకా అధికారిక ప్రకటన వెలువడాల్సి ఉంది.
హీరో అజిత్ అలా చేస్తారా.. ఆ సీక్రెట్ చెప్పేసిన త్రిష.. తెలిస్తే షాక్ అవ్వాల్సిందే!
