సోషల్ మీడియాలో వార్నర్​ను బ్లాక్​ చేసిన సన్​రైజర్స్ - అభిమానుల ఆగ్రహం

David Warner Sunrisers Hyderabad :ఆస్ట్రేలియా దిగ్గజ క్రికెటర్​ డేవిడ్​ వార్నర్​న తాజాగా ఇన్​స్టా వేదికగా ఓ ఫొటోను పోస్ట్ చేశారు. అందులో సన్‌ రైజర్స్‌ ఫ్రాంచైజీ తన ఇన్‌స్టాగ్రామ్‌, ట్విటర్‌ ఖాతాలలో ఈ ప్లేయర్​ను బ్లాక్‌ చేసినట్లు ఆయన వెల్లడించారు. ఇంతకీ ఏం జరిగిందంటే ?

David Warner Sunrisers Hyderabad : సన్‌ రైజర్స్‌ హైదరాబాద్‌కు ఐపీఎల్‌ ట్రోఫీని అందించిన ఆస్ట్రేలియా స్టార్ ప్లేయర్​ డేవిడ్‌ వార్నర్‌కు మరో అవమానం జరిగింది. 2021లో కెప్టెన్సీ నుంచి తప్పించి అవమానించిన సన్​రైజర్స్ మరోసారి అలాంటి పనే చేసింది. ఐపీఎల్​ వేలం జరుగుతన్న వేళ వార్నర్​ను సన్​రైజర్స్ ఫ్రాంచైజీ తన సోషల్​ మీడియా ఖాతాల్లో బ్లాక్​ చేసింది. ఈ విషయాన్ని స్వయంగా వార్నరే స్క్రీన్​ షాట్స్ తీసి మరీ నెట్టింట వెల్లడించాడు. దీన్ని చూసిన క్రికెట్ లవర్స్​ సన్​రైజర్స్​ ఫ్రాంచైజీపై ఆగ్రహం వ్యక్తం చేస్తున్నారు.

అసలేం జరిగిందంటే ?
ఐపీఎల్ 2024 మిని వేలంలో ఆసీస్​ ప్లేయర్లు పాట్ కమిన్స్, ట్రావిస్​ హెడ్​ను సన్​రైజర్స్ అత్యధిక ధరకు దక్కించుకుంది. ఈ సందర్భంగా ఆ ఇద్దరు ప్లేయర్లుకు సోషల్​ మీడియా వేదికగా శుభాకాంక్షలు చెప్పేందుకు వార్నర్​ ప్రయత్నించాడు. కానీ సన్​రైజర్స్ హైదరాబాద్​ ఫ్రాంచైజీ వార్నర్​ను సామాజిక మాధ్యమాల్లో బ్లాక్​ చేసింది. ఈ విషయాన్ని వార్నర్​ స్క్రీన్​ షాట్​ తీసి ఇన్​స్టాగ్రామ్​లో షేర్​ చేశాడు.

'ట్రావిస్​ హెడ్​ షేర్​ చేసిన పోస్ట్​ను రీ పోస్ట్​ చేయాలని ప్రయత్నించాను. కానీ సన్​రైజర్స్ నన్ను బ్లాక్ చేసింది.' అంటూ డేవిడ్ వార్నర్ పోస్ట్ చేశాడు. దీంతో అభిమానులు అందరూ సన్​రైజర్స్ ఫ్రాంచైజీపై ఆగ్రహం వ్యక్తం చేస్తున్నారు.

• SRH have blocked David Warner from Twitter/X and Instagram. pic.twitter.com/ZH3NSQ3yzV

  — Mufaddal Vohra (@mufaddal_vohra) December 19, 2023 " class="align-text-top noRightClick twitterSection" data="

  SRH have blocked David Warner from Twitter/X and Instagram. pic.twitter.com/ZH3NSQ3yzV

  — Mufaddal Vohra (@mufaddal_vohra) December 19, 2023

  ">

  SRH have blocked David Warner from Twitter/X and Instagram. pic.twitter.com/ZH3NSQ3yzV

  — Mufaddal Vohra (@mufaddal_vohra) December 19, 2023

డేవిడ్ వార్నర్​​ 2014 ఐపీఎల్​ వేలంలో సన్​రైజర్స్ హైదరాబాద్​ జట్టులో చేరాడు. ఆ సీజన్​ హైదరాబాద్​ తరపు ఆడి స్టార్​ ఆటగాళ్లలో ఒకడిగా గుర్తింపు తెచ్చుకున్నాడు​. దీంతో 2015లో అతడు సన్ రైజర్స్​కు కెప్టెన్​గా ఎంపికయ్యాడు. అంతే కాకుండా ఐపీఎల్​ సీజన్​లో అత్యధిక పరుగులు (848) చేసిన ఆటగాళ్లలో రెండువ స్థానాన్ని కూడా దక్కించుకున్నాడు. అయితే బాల్​ ట్యాంపరింగ్​ కుంభకోణం జరిగిన తర్వాత సన్​రైజర్స్ 2021లో డేవిడ్​ వార్నర్​ను కెప్టెన్​ బాధ్యతల నుంచి తప్పించింది. ఆ తర్వాత 2022 మెగా వేలానికి ముందు వార్నర్​ను రిలీజ్​ చేసింది సన్​రైజర్స్​. ఇంక అప్పటి నుంచి డేవిడ్​ వార్నర్​ దిల్లీ క్యాపిటల్స్ తరపున ఆడుతున్నాడు.