August Weekend Release Films : గత వారం టాలీవుడ్ బాక్సాఫీస్ వద్ద పెద్దగా సందడేమీ కనిపించలేదు. హిట్స్, వసూళ్లు లేక అంత చప్పగానే సాగింది. సంతోశ్ శోభన్ ప్రేమకుమార్, బిగ్బాస్ సోహెల్ మిస్టర్ ప్రెగ్నెంట్ రిలీజ్కు ముందు ఇంట్రెస్ట్ పుట్టించినప్పటికీ.. అవి బాక్సాఫీస్ ముందు బోల్తా కొట్టాయి. దీంతో మూవీ లవర్స్.. ఈ వారం సినిమాలపై చూస్తున్నారు. అయితే ఈ వారం బాక్సాఫీస్, ఓటీటీ ముందు పలు ఇంట్రెస్టింగ్ చిత్రాలు, సిరీస్లు రిలీజ్కు రెడీ అయ్యాయి.
మరి వీటిలో ఏ చిత్రం హిట్ అందుకుంటుంది? ఎవరు ఈ వారం బాక్సాఫీస్ హీరోగా నిలుస్తారోనని అందరికీ ఆసక్తి ఏర్పడింది. అయితే ఈ వీకెండ్ మలయాళ హీరో దుల్కర్ సల్మాన్ నటించిన డబ్బింగ్ సినిమా 'కింగ్ ఆఫ్ కోథా' షురూ అవ్వనుంది. ఆగస్ట్ 24న విడుదల కానున్న ఈ చిత్రం.. గ్యాంగ్ స్టర్ నేపథ్యంలో రావడంతో మంచి ఆసక్తి నెలకొంది. పైగా మాలీవుడ్ నుంచి రానున్న తొలి పాన్ ఇండియా సినిమా కావడం విశేషం. కంటెంట్ క్లిక్ అవుతుందో లేదో మరి.
Varun Tej Gandheevadhari Arjuna : ఇక ఈ చిత్రానికి పోటీగా ఆగస్ట్ 25న రెండు తెలుగు సినిమాలు ప్రేక్షకుల ముందుకు రానున్నాయి. మెగా ప్రిన్స్ వరుణ్‌ తేజ్‌ యాక్షన్‌ థ్రిల్లర్‌ 'గాండీవధారి అర్జున', కార్తికేయ-నేహా శెట్టి 'బెదురు లంక 2012'(karhtikeya bedurulanka ) విడుదల కానున్నాయి. కానీ ఈ రెండు చిత్రాలపై పెద్దగా బజ్ క్రియేట్ అవ్వలేదనిపిస్తోంది. మొదటి రోజు తొలి షో టాక్ ఆధారంగా ఈ చిత్రాల ఫలితాలు ఆధారపడి ఉంటాయి. ఇంకా ఈ ఆగస్టు 25న హిందీ చిత్రం చిత్రం డ్రీమ్ గర్ల్ 2, కన్నడ చిత్రం రాజ్ బీ శెట్టి 'టాబీ' కూడా ఆడియెన్స్ను పలకరించనున్నాయి. ఇక్కడ వీటికి కాస్త డిమాండ్ తక్కువగానే ఉన్నాయి.
ఆగస్ట్ 26న.. యూత్ఫుల్ ఎంటర్టైనర్ బాయ్స్ హాస్టల్ రానుంది. కన్నడలో ఈ చిత్రం చిన్న సినిమాగా రిలీజై ఘనవిజయం సాధించింది. ఇక్కడ కూడా మంచి బజ్ క్రియేట్ అయింది. మరి ఇది ఎలాంటి వండర్స్ క్రియేట్ చేస్తుందో..
థియేటర్లలో రిలీజ్ కానున్న ఈ చిత్రాల్లో ఏవి క్లిక్ అవుతాయో చూడాలి మరి. ఒకవేళ ఇవి సక్సెస్ కాలేకపోయినా.. ఓటీటీలో పవన్ కల్యాణ్ బ్రో, ఆహాలో ఆనంద్ దేవరకొండ బేబీ చిత్రాలు ఆగస్ట్ 25న రిలీజ్కు రెడీ అయ్యాయి. చూడాలి మరి ఈ వారం బాక్సాఫీస్ వసూళ్లు ఎలా ఉంటాయో, ఎవరు బాక్సాఫీస్ హీరో అవుతారో?
