హైదరాబాద్లో జరిగిన ఫార్ములా-ఈ రేస్లో మహీంద్రా సంస్థల అధినేత ఆనంద్ మహీంద్రా సందడి చేశారు. రేసు చూడటానికి వచ్చిన మెగా పవర్ స్టార్ రామ్చరణ్తో కలిసి 'ఆర్ఆర్ఆర్' చిత్రంలోని నాటునాటు పాటకు ఉత్సాహంగా డ్యాన్స్ వేశారు. ఫార్ములా-ఈ రేసులో తనకు ఓ బోనస్ దొరికిందని, రామ్ చరణ్ దగ్గర నాటు నాటు పాట బేసిక్ స్టెప్స్ నేర్చుకున్నట్లు ఆనంద్ మహీంద్రా తెలిపారు. ఈ మేరకు ఆ వీడియోను ట్విట్టర్ వేదికగా నెటిజన్లతో పంచుకుంటూ హర్షం వ్యక్తం చేశారు. 'ఆర్ఆర్ఆర్' లోని నాటునాటు పాట ఆస్కార్ అందుకోవాలని ఆకాంక్షిస్తూ రామ్చరణ్కు ఆనంద్ మహీంద్రా అభినందనలు తెలిపారు.
ఈ ఫార్ములా-ఈ రేసింగ్‌ను చూసేందుకు సినీ, క్రీడా ప్రముఖులు తరలివచ్చారు. క్రీడాకారులు సచిన్‌ తెందుల్కర్, శిఖర్ ధావన్ తదితరులు వచ్చారు. ఇక, సినీ తారలు నాగ చైతన్య, సిద్ధు జొన్నలగడ్డ, నాగార్జున తదితరులు రేసింగ్ జరుగుతున్న హుస్సేన్‌సాగర్ తీరానికి విచ్చేశారు. గ్యాలరీ నుంచి.. భారత్‌కు చెందిన మహీంద్రా టీమ్కు సపోర్ట్ చేశారు. వీరితోపాటు రేసింగ్ చూసేందుకు వచ్చిన జనంతో హుస్సేన్‌సాగర్ తీరం కిక్కిరిసిపోయింది. కాగా, ప్రస్తుతం రామ్చరణ్.. శంకర్ దర్శకత్వంలో తెరకెక్కుతున్న 'ఆర్సీ15' సినిమా షూటింగ్లో బిజీగా ఉన్నారు. ఇటీవలే హైదరాబాద్లోని ప్రముఖ పర్యాటక ప్రదేశమైన చార్మినార్ వద్ద షూటింగ్ చేశారు. ప్రస్తుతం ఈ మూవీ చిత్రీకరణ కర్నూల్లో జరుగుతోంది.
-
Well apart from the race, one real bonus at the #HyderabadEPrix was getting lessons from @AlwaysRamCharan on the basic #NaatuNaatu steps. Thank you and good luck at the Oscars, my friend! pic.twitter.com/YUWTcCvCdw
— anand mahindra (@anandmahindra) February 11, 2023 " class="align-text-top noRightClick twitterSection" data="
">Well apart from the race, one real bonus at the #HyderabadEPrix was getting lessons from @AlwaysRamCharan on the basic #NaatuNaatu steps. Thank you and good luck at the Oscars, my friend! pic.twitter.com/YUWTcCvCdw
— anand mahindra (@anandmahindra) February 11, 2023Well apart from the race, one real bonus at the #HyderabadEPrix was getting lessons from @AlwaysRamCharan on the basic #NaatuNaatu steps. Thank you and good luck at the Oscars, my friend! pic.twitter.com/YUWTcCvCdw
— anand mahindra (@anandmahindra) February 11, 2023
