AllariNaresh new movie tile: తనదైన కామెడీ టైమింగ్‌, పంచులతో తెలుగు ప్రేక్షకుల్ని కడుపుబ్బా నవ్వించే హీరో అల్లరి నరేశ్. హాస్య కథానాయకుడిగా గుర్తింపు తెచ్చుకున్న ఆయన 'గమ్యం'. 'మహర్షి', 'నాంది' వంటి చిత్రాలతో తనలోని నటుడ్ని ప్రేక్షకులకు మరింత చేరువ చేశారు. ఈ నేపథ్యంలోనే ఆయన ఇటీవల ఓ కొత్త చిత్రానికి పచ్చజెండా ఊపారు. #నరేశ్ 59 పేరుతో తెరకెక్కుతున్న ఈ సినిమాకు ఏఆర్ మోహన్ దర్శకత్వం వహిస్తున్నారు. జీస్టూడియోస్ సమర్పణలో హాస్య మూవీస్ బ్యానర్పై దీన్ని నిర్మిస్తున్నారు. తాజాగా ఈ సినిమా టైటిల్ను ఖరారు చేసింది చిత్రబృందం. 'ఇట్లు మారేడుమిల్లి ప్రజానీకం' అని తెలుపుతూ ఓ పోస్టర్ను రిలీజ్ చేసింది. ప్రజలే ప్రధాన అజెండాగా దీని రూపొందిస్తున్నట్లు వ్యాఖ్య జోడించింది. అడవిలోని గిరిజన ప్రజలంతా ఒకేచోట నిలబడి తథేకంగా చూస్తూ ఉన్న ఈ పోస్టర్ సినిమాపై ఆసక్తిని రేకెత్తిస్తోంది. ఆనంది హీరోయిన్గా నటిస్తుండగా వెన్నెల కిషోర్, చమ్మక్ చంద్ర ఇతర ప్రధాన పాత్రల్లో నటిస్తున్నారు. అబ్బూరి రవి మాటలు అందిస్తున్నారు. శ్రీ చరణ్ పాకాల సంగీతం అందిస్తున్నారు.
Raviteja Ramarao on duty song update: హీరో రవితేజ వరుస సినిమాలతో దూసుకెళ్తున్నారు. ఆయన నటిస్తున్న సినిమాల్లో 'రామారావు ఆన్ డ్యూటీ' ప్రేక్షకుల ముందుకు వచ్చేందుకు సిద్ధంగా ఉంది. శరత్ మండవ దర్శకత్వంలో ఈ యాక్షన్ థ్రిల్లర్ తెరకెక్కుతోంది. ఇప్పటికే ఈ సినిమా నుంచి విడుదలైన పోస్టర్స్ సినిమాపై మరింత హైప్ క్రియేట్ చేశాయి. ఇందులో రవితేజ సరసన దివ్యాంశ కౌశిక్, రజిషా విజయన్ హీరోయిన్లుగా నటించగా.. హీరో వేణు తొట్టెంపూడి రీఎంట్రీ ఇస్తున్నారు. తాజాగా ఈ మూవీ నుంచి ఫస్ట్ సాంగ్ 'బుల్ బుల్ తరంగ్'ను రిలీజ్ చేశారు మేకర్స్. సామ్ సీఎస్ సంగీతం అందించిన ఈ పాటను సిద్ శ్రీరామ్ ఆలపించారు. రాకెండు మౌలి లిరిక్స్ అందించారు. శ్రీ లక్ష్మీ వెంకటేశ్వర సినిమాస్ ఎల్ఎల్పీ, రవితేజ టీం వర్క్స్ బ్యానర్ల పై సుధాకర్ చెరుకూరి చిత్రాన్ని నిర్మిస్తున్నారు. జూన్ 17న గ్రాండ్గా సినిమా రిలీజ్ కానుంది.
- " class="align-text-top noRightClick twitterSection" data="">
ఇదీ చూడండి: ప్రభాస్ ఫ్యాన్స్కు దెబ్బ మీద దెబ్బ.. 'స‌లార్' గ్లింప్స్‌ కూడా..
