తమిళనాడులోని చెన్నైలో నివాసం ఉంటున్న కోలీవుడ్ నటుడు రాధాకృష్ణన్ ఇంట్లో భారీ దొంగతనం జరిగింది. కొన్నేళ్లుగా ఆయన ఇంట్లో పనిచేస్తున్న వాచ్మెన్తో పాటు అతడి స్నేహితులు.. రాధాకృష్ణన్ ఇంట్లో ఉన్న మొత్తం బంగారాన్ని, డబ్బును దోచుకెళ్లారు.
రాధాకృష్ణన్ ఇంట్లో పనిచేస్తున్న వాచ్మెన్ రమేశ్, అతడి స్నేహితులు పక్కా ప్లాన్ ప్రకారం.. ఆయన భార్య రాజీ ఒక్కరే ఉన్నప్పుడు ఇంట్లోకి ప్రవేశించారు. రాజీని కత్తి చూపించి బెదరించాారు. అనంతరం ఆమె చేతులు, కాళ్లు కట్టేసి నోటికి ప్లాస్టర్ వేశారు. ఇక దొరికిందే ఛాన్స్ అనుకుంటూ ఇంట్లో ఉన్న 250 సవర్ల బంగారాన్ని, రూ.3 లక్షల నగదును తీసుకుని ద్విచక్రవాహనంపై పరారయ్యారు.
స్థానికుల ద్వారా సమాచారం అందుకున్న పోలీసులు.. ఘటనాస్థలికి చేరుకున్నారు. పరిసరాల్లో ఉన్న సీసీటీవీ ఫుటేజ్లను పరిశీలించారు. కేసు నమోదు చేసి నిందితుల కోసం గాలింపు చర్యలు ప్రారంభించారు.
ఇదీ చదవండి: బ్యాట్మ్యాన్ స్వరం మూగబోయింది.. ఆయన ఇక లేరు
