Actor Who Has 400 Hit Films : సాధారణంగా సినీ స్టార్స్ తమ కెరీర్లో సరైన అవకాశాలు అందిపుచ్చుకుని సినిమాలు తెరకెక్కిస్తూ అభిమానులకు దగ్గరవుతుంటారు. అందులో కొందరు వరసు సక్సెస్లు అందుకుని దూసుకెళ్తే, మరికొందరు మాత్రం కొన్ని ఒడుదొడుకులను ఎదుర్కొని స్టార్డమ్ను అందుకుంటారు. అయితే తమ ప్రేక్షకుల నాడిని తెలుసుకుని సినిమాలు చేసేవారు చాలా మంది మంచి సక్సెస్ను అందుకున్నారు. అలా 80వ దశకానికి చెందిన ఓ స్టార్ హీరో అత్యధిక హిట్ చిత్రాలను అందుకుని రికార్డుకెక్కారు. ఇంతకీ ఆయన ఎవరంటే ?
బ్లాక్ అండ్ వైట్ ఎరాలో మలయాళ సినీ ఇండస్ట్రీని షేక్ చేశారు నటుడు ప్రేమ్ నజీర్. 50స్ నుంచి 80స్ వరకు ఆయన బాక్సాఫీస్‌ను ఏకపక్షంగా శాసించారు. కెరీర్లో దాదాపు 900 సినిమాలు చేసిన ప్రేమ్, హీరోగా 720 సినిమాల్లో నటించి గిన్నిస్ వరల్డ్ రికార్డ్ సాధించారు. అలా తన ఖాతాలో 400 హిట్ చిత్రాలను వేసుకున్నారు. అందులోనూ వాటిలో 50 బ్లాక్ బస్టర్లు కావడం విశేషం. అయితే ఇప్పటి వరకు ఆయన రికార్డును ఏ సూపర్ స్టార్ కూడా టచ్ చేయలేకపోయారు.
బాలీవుడ్, దక్షిణాది సూపర్ స్టార్స్ కూడా ఆయన రికార్డు దరిదాపుల్లో కూడా రాలేకపోయారు. బిగ్బీ అమితాబ్ బచ్చన్ 56 విజయవంతమైన చిత్రాలను అందించగా, బాలీవుడ్ స్టార్ హీరో దివంగత రాజేశ్ ఖన్నా కూడా 42 హిట్ సినిమాల్లో నటించారు. షారుక్, సల్మాన్ వంటి స్టార్స్ ఖాతలో ఇప్పటి వరకు 30-35 హిట్ చిత్రాలు మాత్రమే ఉన్నాయి. ఇక సౌత్ ఇండియా సూపర్ స్టార్ రజనీకాంత్ కూడా ఇప్పటి వరకు తన కెరీర్లో 100కి మించి హిట్స్ ఇవ్వలేదు.
- " class="align-text-top noRightClick twitterSection" data="">
ప్రేమ్ నజీర్ కెరీర్ :
Prem Nazir Career : 1926లో జన్మించిన ప్రేమ్ నజీర్ చిన్న వయస్సులోనే థియేటర్ ఆర్టిస్ట్గా పనిచేశారు. చదువు పూర్తయ్యాక 1952లో విడుదలైన 'మరుమ్‌కల్‌'తో సినీ తెరకు పరిచయమయ్యారు. ఈ సినిమా ఆయన అసలు పేరును కూడా మార్చేసింది. అలా అబ్దుల్ ఖాదర్ కాస్త ప్రేమ్ నజీర్గా మారిపోయారు . పౌరాణిక, చారిత్రక చిత్రాలలో ఎంత పాపులర్ అయ్యారో రోమాంటిక్, విషాద చిత్రాలతో కూడా అంతే ప్రజాదరణ పొందారు. 60,70వ దశకంలో ప్రేమ్ నజీర్ మలయాళ సినిమా రారాజుగా నిలిచారు. 20 ఏళ్లలో ఏటా డజనుకు పైగా హిట్ చిత్రాలను అందించారు.
- " class="align-text-top noRightClick twitterSection" data="">
10ఏళ్ల క్రితం ఆ మూవీకి రూ.275కోట్ల రెమ్యునరేషన్- అప్పటి నుంచి అన్నీ ఫ్లాపులే!
