మంచిర్యాల జిల్లా కోటపల్లిలో ఓ యువకుడు ఆత్మహత్యకు పాల్పపడ్డాడు. ఉద్యోగం రాకపోవడం వల్లే బలవన్మరణానానికి పాల్పపడ్డాడని కుటుంబసభ్యుల ఆరోపిస్తున్నారు. మంచిర్యాల జిల్లా కోటపల్లి మండలం వెల్మపల్లె గ్రామ సమీపంలోని పత్తి చేనులో ఆసంపల్లి మహేశ్... పురుగుల మందు తాగి ఆత్మహత్య చేసుకోవడం విషాదం నింపింది.
మహేశ్ ప్రస్తుతం టీటీసీ పూర్తి చేసి.. అంబేడ్కర్ యూనివర్సిటీలో డిగ్రీ చేస్తున్నాడు. ముఖ్యమంత్రి కేసీఆర్ ఉద్యోగ నోటిఫికేషన్ వేయడం లేదని మనస్తాపం చెంది పురుగుల మందు తాగాడని కుటుంబ సభ్యులు, బంధువులు ఆరోపించారు. కోటపల్లి మండలం బబ్బెరచెలుకలోని జాతీయ రహదారిపై మహేశ్ మృతదేహంతో గ్రామస్థులు రాస్తారోకో నిర్వహించారు.
ప్రభుత్వం ఉద్యోగ నోటిఫికేషన్లు వేయడంలేదని అందుకే మహేశ్ మనస్తాపంతో ఆత్మహత్య చేసుకున్నాడని ఆరోపించారు. సర్కార్ మృతుడి కుటుంబానికి న్యాయం చేయాలని డిమాండ్ చేస్తూ ఆందోళన చేపట్టారు. అక్కడికి చేరుకున్న పోలీసులు ఆందోళనకారులను శాంతింపజేశారు. అనంతరం మహేశ్ మృతదేహానికి అంత్యక్రియలు నిర్వహించారు.
ఇదీ చూడండి: Child_Death: వైద్య సిబ్బంది నిర్లక్ష్యం.. నీలోఫర్లో బాలుడు మృతి
