Ganesh nagar Murder Case : మేడ్చల్-మల్కాజిగిరి జిల్లా చింతల్ గణేశ్ నగర్లో అర్ధరాత్రి దారుణం జరిగింది. బైక్ మెకానిక్ను తన షాప్లోనే గుర్తు తెలియని వ్యక్తులు అతికిరాతకంగా హత్య చేశారు.
ఏం జరిగింది?
చింతల్లోని కల్పన సొసైటీలో నివాసముండే బీరేందర్ కుమార్కు గణేష్ నగర్లో ఓ మెకానిక్ షాప్ ఉంది. అర్ధరాత్రి 1 గంట ప్రాంతంలో బీరేందర్ కుమార్ను తన దుకాణంలోనే... నోట్లో బట్టలు కుక్కి రాడ్లతో తలపై బలంగా కొట్టి గుర్తు తెలియని వ్యక్తులు చంపారు. సమాచారం అందుకున్న జీడిమెట్ల పోలీసులు క్లూస్ టీమ్ ఆధ్వర్యంలో ఘటన స్థలానికి చేరుకున్నారు. కేసు నమోదు చేసి.. దర్యాప్తు ప్రారంభించారు. మృతదేహాన్ని పోస్టుమార్టం కోసం గాంధీ ఆస్పత్రికి తరలించారు.
అనేక కోణాల్లో దర్యాప్తు
మృతుడు బీరేందర్ కుమార్ దుకాణంలో అందరూ కలిసి మద్యం సేవించారా? అక్కడ ఏమైనా ఘర్షణ చెలరేగిందా? లేక మరేవైనా కారణాలున్నాయా అనే కోణంలో జీడిమెట్ల పోలీసులు దర్యాప్తు చేస్తున్నారు.
ఇదీ చదవండి: Hospital Charges For Covid Treatment : కాక్‌టెయిల్‌ పేరు చెప్పి ఆస్పత్రుల దోపిడీ
