రెండు బైకులు ఢీ.. ఇద్దరు మృతి

ఎంత అత్యవసరమైన కచ్చితంగా రూల్స్ పాటించే తీరాలని ట్రాఫిక్ పోలీసులు ఎన్నోసార్లు హెచ్చరిస్తూనే ఉన్నారు. అయినా కొంతమంది ఆ విషయంలో నిర్లక్ష్యంగానే ఉంటున్నారు. ఆ పొరపాటే.. పెను ప్రమాదాలకు దారి తీస్తోంది. యాదాద్రి భువనగిరి జిల్లాలో ఇలాగే ఎదురెదురుగా వస్తున్న రెండు ద్విచక్రవాహనాలు ఢీకొన్న ఘటనలో.. ఇద్దరు మృతి చెందారు.

రాంగ్ రూట్​.. రెండు నిండు ప్రాణాలను బలిగొంది. ఓ వ్యక్తి చేసిన పొరపాటు వల్ల.. అతనితో పాటు అవతలి వ్యక్తి ప్రాణాలు కోల్పోవాల్సి వచ్చింది. ఈ విషాద ఘటన.. యాదాద్రి భువనగిరి జిల్లా చౌటుప్పల్​లో జరిగింది.

ఆరెగూడెం గ్రామానికి చెందిన సుజిత్ రెడ్డి ద్విచక్రవాహనంపై రాంగ్​ రూట్​లో వెళ్తూ.. ఎదురుగా వస్తోన్న మరో బైక్​ను ఢీ కొట్టాడు. ప్రమాదంలో.. ఫార్మా ఉద్యోగి మణికంఠ అక్కడికక్కడే మృతి చెందాడు. తీవ్ర గాయాల పాలైన సుజిత్​ను ఆస్పత్రికి తరలించగా.. అతనూ చికిత్స పొందుతూ మరణించాడు.

ఇదీ చదవండి: మిస్టరీ వీడిన హత్య కేసు.. బావమరిదే హంతకుడు