టాలీవుడ్‌ డ్రగ్స్‌(Tollywood Drug case) కేసులో ఎన్‌ఫోర్స్‌మెంటు డైరెక్టరేట్‌ విచారణ కొనసాగుతోంది. ఈ వ్యవహారంపై మనీలాండరింగ్ కింద కేసు నమోదు చేసిన ఈడీ... 12మంది సినీ ప్రముఖులకు నోటీసులు ఇచ్చింది. ఇవాళ నటుడు తనీష్ ఈడీ ఎదుట హాజరయ్యారు. మనీలాండరింగ్ కేసులో తనీష్కు నోటీసులు ఇచ్చిన ఈడీ.. బ్యాంకు ఖాతాల లావాదేవీలు పరిశీలించనుంది.
ఈ కేసు(Tollywood Drug case)లో ఇప్పటికే దర్శకుడు పూరీ జగన్నాథ్‌, ఛార్మి, రకుల్‌ ప్రీత్‌సింగ్‌, నందు, రానా, రవితేజతోపాటు ఆయన డ్రైవర్‌ శ్రీనివాస్‌ను దర్యాప్తు అధికారులు ప్రశ్నించారు. డ్రగ్స్‌ సరఫరాదారులు కెల్విన్‌, వాహబ్‌తో సంబంధాలు, వారితో జరిపిన లావాదేవీలపై ఆరా తీయనున్నారు.
