ఏపీలోని చిత్తూరు జిల్లా రామచంద్రాపురం మండలం సి.రామాపురంలో విషాదం జరిగింది. అన్నాస్వామి గండిచెరువు క్వారీగుంతలో గుర్తుతెలియని మూడు మృతదేహాలను స్థానికులు గుర్తించారు. చెరువులో తేలుతున్న ఓ మహిళ, ఇద్దరు చిన్నారుల మృతదేహాలను ఉదయం స్థానికులు గుర్తించి.. రామచంద్రాపురం పోలీసులకు సమాచారం అందించారు.
క్వారీగుంత సమీపంలోని కంపోస్టు యార్డులో ఓ ద్విచక్ర వాహనం ఉండటంతో.. మృతులకూ ఆ వాహనానికి సంబంధం ఉందా అన్న కోణంలో పోలీసులు ఆరా తీస్తున్నారు. వాహనం రిజిస్ట్రేషన్ నెంబర్ ఆధారంగా వివరాలు తెలుసుకునే ప్రయత్నం చేస్తున్నారు.
