ఎర్రచందనం తరలిస్తున్న 14 మంది అరెస్ట్

ఏపీలోని కడప శివారు వాటర్ గండి వద్ద 14 మంది ఎర్ర చందనం స్మగ్లర్లను టాస్క్​ఫోర్స్ పోలీసులు అరెస్టు చేశారు. వారి వద్ద నుంచి 14 దుంగలు, వాహనం స్వాధీనం చేసుకున్నారు.

ఆంధ్ర ప్రదేశ్​లోని కడప జిల్లా లంకమల్ల అటవీ ప్రాంతం నుంచి అక్రమంగా ఎర్రచందనం దుంగలను తరలిస్తున్న 14 మంది అంతర్రాష్ట్ర స్మగ్లర్లను టాస్క్​ఫోర్స్ పోలీసులు అరెస్టు చేశారు. వారి వద్ద నుంచి 14 ఎర్రచందనం దుంగలు, ఒక వాహనాన్ని స్వాధీనం చేసుకున్నారు. మరో ముగ్గురు స్మగ్లర్లు పరారీలో ఉన్నారని.., వారి కోసం గాలిస్తున్నామని టాస్క్​ఫోర్స్ సీఐ సుబ్రహ్మణ్యం తెలిపారు.

ఇదీ చదవండి : మాంసం దుకాణాల వద్ద బారులుతీరిన జనం.. కనిపించని భౌతికదూరం