పాతబస్తీలో జరిగిన ఓ రిసెప్షన్ వేడుకలో అశ్లీల నృత్యాలు చేసిన విషయం బయటపడింది. హైదరాబాద్లోని చాంద్రాయణగుట్ట పీఎస్ పరిధిలోని ఓ యువకుడు నిర్వహించిన పార్టీలో ఈ సంఘటన చోటు చేసుకుంది. గతనెల 28, 29 తేదీల్లో అర్ధరాత్రి నజీర్ అనే యువకుడు స్థానిక వలి ఫంక్షన్హాల్లో వేడుక నిర్వహించినట్లు పోలీసులు గుర్తించారు. అర్ధరాత్రి జరిగిన వేడుకలో యువతులపై డబ్బులు విసురుతూ నృత్యం చేస్తున్న వీడియోలు వైరల్ అవుతున్నాయి.
వీడియో బయటకు పంపించాడని ఫోటోగ్రాఫర్పై దాడి.!
అదే రోజు రాత్రి సాదిక్ అనే ఫొటోగ్రాఫర్పై ముగ్గురు యువకులు దాడి చేసినట్లు ఫిర్యాదు అందినట్లు పోలీసులు తెలిపారు. పార్టీకి సంబంధించిన వీడియోలు బయటకు పంపించాడనే అనుమానంతో దాడి చేసి ఉంటారని పోలీసులు అనుమానం వ్యక్తం చేస్తున్నారు. సాదిక్ ఫిర్యాదుతో కేసు నమోదు చేసుకున్న పోలీసులు దర్యాప్తు చేస్తున్నారు.
పోలీసులు చర్యలు ఫలించడం లేదు
పోలీసులు కట్టుదిట్టంగా వ్యవహరిస్తున్న ఇలాంటి ఘటనలు పునరావృతం అవుతున్నాయి. ముఖ్యంగా పాతబస్తీలోని పలు ఫంక్షన్హాల్స్ అశ్లీల నృత్యాలకు వేదికలుగా మారుతున్నాయి. అర్ధరాత్రి వేళల్లో మద్యం తాగి చిందులు వేస్తూ ఇలాంటి కార్యకలాపాలకు పాల్పడుతున్నారు. వేడుకల పేరుతో అసాంఘిక శక్తులు రెచ్చిపోతున్నాయి.
గతంలోనూ ఇలాంటి సంఘటనలు
గతంలో ఏప్రిల్ నెలలో హైదరాబాద్ పాతబస్తీలోని బండ్లగూడలో ఓ ఫామ్‌హౌస్ ప్రారంభోత్సవ పార్టీలో చేసిన అశ్లీల నృత్యాలు సామాజిక మాధ్యమాల్లో వైరల్‌గా మారాయి. మజ్లీస్ పార్టీకి చెందిన నాయకుడు ఇచ్చిన విందులో మహిళలు అశ్లీల నృత్యాలు చేశారు. ఫిబ్రవరి 13న లేక్ వ్యూ హిల్స్లో ఉన్న ఇంపీరియల్ ఫామ్హౌజ్ ప్రారంభం సందర్భంగా... యజమాని ఫర్వేజ్ తన స్నేహితులకు విందు ఏర్పాటు చేశాడు. ఈ విందులో ఫర్వేజ్... తన స్నేహితులను ఆనందపర్చడానికి పలువురు మహిళలకు డబ్బులిచ్చి నృత్యాలు చేయించారు.
