Minor Raped: మృగాళ్లు రెచ్చిపోతున్నారు... నిత్యం ఏదో ఒకచోట మహిళలపై ఆకృత్యాలకు పాల్పడుతున్నారు. తాజాగా ఓ తొమ్మిదేళ్ల చిన్నారిపై 60 ఏళ్ల వృద్ధుడు అత్యాచారానికి పాల్పడ్డాడు. ఆదివారం ఈ ఘటన జరగగా ఆలస్యంగా వెలుగులోకి వచ్చింది. నిర్మల్ జిల్లా కుబీర్ మండలంలోని ఓ గ్రామానికి చెందిన 60 సంవత్సరాల వృద్ధుడు మాయమాటలు చెప్పి అదే గ్రామానికి చెందిన 9 ఏళ్ల మైనర్ బాలికపై అఘాయిత్యానికి ఒడిగట్టాడు.
అప్పటి నుంచి బాలిక భయంతో ,కడుపు నొప్పితో బాధపడుతూ ఉండటం తల్లి గమనించింది. ఏమైందని ఆ బాలికను ఆరా తీయగా జరిగిన విషయం తల్లికి చెప్పింది. దీంతో బాధితురాలి తల్లి పోలీస్స్టేషన్లో ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు. నిందితుడిపై పొక్సో , ఎస్సీ , ఎస్టీ చట్టం కింద కేసు నమోదు చేశామని పోలీసులు తెలిపారు.
