Man Hit by Train Mahabubnagar : నేటి తరానికి ఏ పని చేసినా చేతిలో మొబైల్ఫోన్, చెవిలో ఇయర్ఫోన్స్ ఉండాల్సిందే. ముఖ్యంగా ప్రయాణాల్లో ఇవి అత్యంత అవసరమైనవిగా మారాయి. వాహనాలు నడపిటప్పుడు, రోడ్డు మీద నడిచేటప్పుడు కూడా చెవిలో పాటలు మోగాల్సిందే. ఇలాగే ఓ వ్యక్తి చెవిలో ఇయర్ఫోన్స్ పెట్టుకుని ఫుల్ సౌండ్లో పాటలు వింటూ ఉత్సాహంగా వెళ్తున్నాడు. మార్గ మధ్యలో వచ్చిన రైల్వే లైన్ను దాటుతున్నాడు. హెడ్ఫోన్స్లో పాటలు వింటుండటం వల్ల అటువైపు నుంచి వస్తున్న రైలు శబ్ధం వినలేదు. మ్యూజిక్ వినడంలో లీనమవడం వల్ల కనీసం చుట్టుపక్కల ఏమవుతుందో గమనించనూ లేదు. అంతే ఇంకేముందు. వేగంగా వస్తోన్న రైలు ఆ యువకుణ్ని గుద్దేసి వెళ్లిపోయింది.
Train Hits a Man Mahabubnagar : మహబూబ్‌నగర్‌కు చెందిన ప్రభు కుమారుడు బోగం నరేష్‌(19) నగరంలో మేస్త్రీగా పనిచేస్తున్నాడు. ఆదివారం ఉదయం చెవిలో ఇయర్ఫోన్స్ పెట్టుకుని పాటలు వింటూ బొల్లారం బజార్‌- బొల్లారం రైల్వేస్టేషన్ల మధ్య పట్టాలు దాటుతుండగా రైలు ఢీకొంది. తీవ్రంగా గాయపడిన అతడ్ని స్థానికులు 108 అంబులెన్స్‌లో స్థానికంగా ఉన్న ప్రైవేట్‌ ఆసుపత్రికి తరలించగా చికిత్స పొందుతూ మృతిచెందాడు. పోలీసులు మృతదేహాన్ని గాంధీ మార్చురీకి తరలించారు. కేసు నమోదు చేసి దర్యాప్తు చేస్తున్నారు.
