Young man hulchul with Knife: ఆంధ్రప్రదేశ్ విశాఖపట్నం జిల్లా ఎండాడ పెట్రోల్ బంక్ కూడలిలో మద్యం మత్తులో ఓ యువకుడు హల్చల్ చేశాడు. చేతిలో కత్తి, బీరు బాటిల్తో స్థానికులను భయభ్రాంతులకు గురిచేశాడు. అతడి వీరంగం చూసి.. స్థానికులు తీవ్ర భయాందోళనకు గురయ్యారు. అందరూ దూరంగా ఉంటూనే అతడి తీరును గమనించారు.
ఆ తర్వాత కాసేపటికి బీరు బాటిల్ పగలగొట్టి.. జాతీయ రహదారిపై వెళ్లే వాహనదారులను అడ్డగించాడు. ఈ క్రమంలోనే ఓ కారు అద్దం కూడా పగులగొట్టడంతో స్థానికులు పట్టుకొని దేహశుద్ధి చేశారు. అనంతరం పోలీసులకు అప్పగించారు.
ఇదీ చూడండి: Corona Cases in gurukul school : మరో గురుకులంలో కరోనా కలకలం.. విద్యార్థులకు పాజిటివ్
