ఆంధ్రప్రదేశ్లోని కర్నూలు జిల్లా పంచలింగాల చెక్‌పోస్టు వద్ద 5 కిలోల బంగారాన్ని పోలీసులు పట్టుకున్నారు. ఈ బంగారాన్ని ప్రైవేటు ట్రావెల్స్ బస్సులో తరలిస్తుండగా గుర్తించారు. బెంగళూరుకు చెందిన నగల వ్యాపారి మహావీర్.. హైదరాబాద్ నుంచి బెంగళూరు వెళుతున్న AP 39 TG 8888 నంబరు ప్రైవేట్ ట్రావెల్స్ బస్సులో 5 కేజీల బంగారంతో ప్రయాణిస్తుండగా పట్టుకున్నారు.
వీటిలో 45 బంగారు బిస్కెట్లు, రెండు నెక్లెస్లు ఉన్నట్లు పోలీసులు గుర్తించారు. వాటికి ఎలాంటి ఈ- వే బిల్లులు చూపకపోవడంతో కర్నూలు తాలూకా పోలీస్ స్టేషన్కు అప్పగించారు. పట్టుబడిన బంగారు విలువ సుమారు 2 కోట్ల 50 లక్షల రూపాయలు ఉండవచ్చని అంచనా వేశారు.
ఇదీ చదవండి: Balka suman: 'కాషాయ పార్టీ కషాయపు దుష్ప్రచారాన్ని తిప్పి కొడతాం'
