రోడ్డు ప్రమాదంలో డెంటల్ విద్యార్థిని మృతి

హైదరాబాద్ కేపీహెచ్​బీ పోలీస్ స్టేషన్ పరిధిలో జరిగిన రోడ్డు ప్రమాదంలో వైద్య విద్యార్థిని మృతిచెందింది. పోలీసులు కేసు నమోదు చేసుకుని దర్యాప్తు చేపట్టారు.

హైదరాబాద్ కేపీహెచ్​బీ పోలీస్ స్టేషన్ పరిధిలో రోడ్డు ప్రమాదం చోటు చేసుకుంది. మియాపూర్‌ నుంచి జేఎన్​టీయూ వైపు ద్విచక్రవాహనంపై వెళ్తున్న ఓ వైద్య విద్యార్థిని ఇసుక లారీ ఢీకొట్టగా ఆమె అక్కడికక్కడే మృతి చెందింది.

రాత్రి మియాపూర్​లో సినిమా చూసి వస్తుండగా... మెట్రో పిల్లరు 660 దగ్గర ప్రమాదం చోటు చేసుకుంది. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టారు. మృతురాలు కడప జిల్లా బద్వెల్​కు చెందిన ఆదిరష్మిగా గుర్తించారు. ఆమె హైదరాబాద్​లోని ఓ కళాశాలలో దంత వైద్య విద్య చదువుతోంది.

ఇవీచూడండి: ఇంటి నుంచి పని... ఇంకెన్నాళ్లని..!