దుబాయ్ నుంచి అక్రమంగా బంగారం తరలిస్తున్న ప్రయాణికులను హైదరాబాద్‌ రాజీవ్గాంధీ విమానాశ్రయంలో కస్టమ్స్ అధికారులు పట్టుకున్నారు. మిక్సర్ గ్రైండర్, కట్టింగ్ ఉపకరణాల్లో బంగారాన్ని దాచి తీసుకువస్తున్నట్లు గుర్తించారు.
సుమారు రెండున్నర కిలోల బంగారం స్వాధీనం చేసుకున్నారు. విలువ సుమారు రూ.1.15 కోట్లు ఉంటుందని తెలిపారు. ఈ మేరకు నిందితులపై కేసులు నమోదు చేశారు.
వీటితో పాటు ఓ వ్యక్తి దుబాయ్‌కి డాలర్లను తరలిస్తుండగా సీఐఎస్ఎఫ్ సహకారంతో గుర్తించి.. నిందితుడిపై కేసు నమోదు చేశారు. ఓ ప్రయాణికుడు సుమారు రూ.30 వేల యూఎస్ డాలర్లను తీసుకుని దుబాయ్‌కి బయలుదేరాడు. తనిఖీల్లో గుర్తించిన కస్టమ్స్ అధికారులు.. డాలర్లను స్వాధీనం చేసుకున్నారు. వీటి విలువ రూ.21.48 లక్షలకు సమానంగా ఉంటుందని వివరించారు.
ఇదీ చూడండి: షార్ట్ సర్క్యూట్తో టైర్ల దుకాణంలో అగ్నిప్రమాదం
