నిజామాబాద్‌ జిల్లా బాల్కొండలో మంగళవారం అర్ధరాత్రి దొంగలు చోరీలకు పాల్పడ్డారు. యూనియన్‌ బ్యాంకు ఏటీఎంలో చోరీకి కొందరు విఫలయత్నం చేశారు. ఇద్దరు దొంగలు ఏటీఎంలోని డబ్బులు దోచేందుకు యత్నించగా సాధ్యంకాకపోవడంతో వెనక్కి వెళ్లిపోయారు. ఏటీఎం మిషన్‌కు ఎలాంటి నష్టం వాటిళ్లలేదని బ్యాంకు అధికారులు తెలిపారు.
బేకరి ముందు బైక్ ఎత్తుకెళ్లిన దుండగుడు
నిజామాబాద్‌ జిల్లా బాల్కొండలో చోరీలు
రాత్రి సమయంలోనే పట్టణంలోని వినాయక బేకరి ముందు నిలిపి ఉంచిన ద్విచక్ర వాహనాన్ని ఓ దొంగ ఎత్తు కెళ్లాడు. చోరీకి పాల్పడుతున్న దృశ్యాలు సీసీ కెమెరాల్లో నిక్షిప్తమయ్యాయి. దీంతో ద్విచక్రవాహన యజమాని బాల్కొండ పోలీసులకు పిర్యాదు చేశారు.
