దిబ్బగూడెంలో పిడుగుపాటుకు పశువులు మృతి

భద్రాద్రి కొత్తగూడెం జిల్లా దిబ్బగూడెం గ్రామంలో ఈదురుగాలులతో కూడిన వర్షానికి పిడుగు పడింది. మూడు పశువులు మృతి చెందాయి.

పిడుగుపాటుకు మూడు పశువులు మృతి చెందిన ఘటన భద్రాద్రి కొత్తగూడెం జిల్లా అశ్వారావుపేట మండలం దిబ్బగూడెంలో చోటు చేసుకుంది . గ్రామానికి చెందిన గిరిజన రైతు గొంది కృష్ణకు ఒక ఎద్దు, మూడు ఆవులు ఉన్నాయి. పొలంలో చెట్టు కింద అవి సేదతీరుతుండగా ఈ ఉదయం పిడుగు పడింది. దీంతో ఆ మూడు మృత్యువాత పడ్డాయి.

జీవనాధారమైన దుక్కిటెద్దు, ఆవులు చనిపోవడంతో రైతు కన్నీరుమున్నీరయ్యారు. వాటి విలువు రూ. లక్ష పైనే ఉంటుందని తెలిపారు.

ఇదీ చదవండి: వైద్య, ఆరోగ్యశాఖకు సీఎం కేసీఆర్ కీలక ఆదేశాలు