వరద ముప్పు నుంచి ఓరుగల్లు నగరం ఇప్పుడిప్పుడే తేరుకుంటోంది. ముంపునకు గురైన కాలనీల్లో వరద నీరు క్రమక్రమంగా తగ్గుతోంది. వరద నీరు ఇళ్లలోకి చేరడం వల్ల నిత్యావసర సరకులతో పాటు ఎలక్ట్రానిక్ వస్తువులు, బియ్యం చెడిపోయాయని కాలనీవాసులు వాపోయారు.
బట్టలు నీటిలో కొట్టుకుపోయాయని, తినడానికి బియ్యం కూడా లేవని ఆవేదన వ్యక్తం చేశారు. ఎగువ నుంచి వరద తగ్గినప్పటికీ... భారీ వర్షం కురిస్తే మళ్లీ యథాతథంగా వరద నీరు ఇళ్లలోకి చేరుతుందన్నారు. నాలాలను ఆక్రమించి భవన నిర్మాణాలు చేపట్టడం వల్లనే ఇలాంటి దుస్థితి తలెత్తిందని ఆరోపించారు.
