'గజ్వేల్ నుంచి 1,50,000 ఓట్ల మెజార్టీ రావాలి'

సిద్దిపేట జిల్లా గజ్వేల్​లో హరీశ్​రావు సమక్షంలో పలువురు సర్పంచ్​లు తెరాసలో చేరారు. మెదక్​ నియోజకవర్గం నుంచి పోటీ చేస్తున్న ఎంపీ అభ్యర్థి కొత్త ప్రభాకర్​రెడ్డిని అత్యధిక మెజార్టీతో లోక్​సభకు పంపాలని హరీశ్​ కోరారు.

మెదక్​ జిల్లా కొండపాక మండలానికి చెందిన పలువురు సర్పంచులు హరీశ్​రావు సమక్షంలో తెరాసలో చేరారు. లక్షా యాభై వేల ఎకరాలకు సాగునీరు అందించినందుకు కానుకగా గజ్వేల్​ ప్రజలు 1,50,000 ఓట్ల మెజార్టీతో మెదక్​ ఎంపీ అభ్యర్థి కొత్త ప్రభాకర్​ రెడ్డిని పార్లమెంట్​కు పంపించాలని సిద్దిపేట జిల్లా గజ్వేల్​లో జరిగిన సభలో హరీశ్​రావు కోరారు. ప్రభాకర్​రెడ్డి గడిచిన ఐదేళ్లలో మెదక్​లో జరిగిన అభివృద్ధిలో కీలక పాత్ర పోషించారని తెలిపారు. ఎంపీగా గెలిపిస్తే నియోజకవర్గానికి రావాల్సిన నిధులను కేంద్రం నుంచి తీసుకొస్తారని హరీశ్​ చెప్పారు.

ఇదీ చదవండిః సింగపూర్​లో వికారి నామ సంవత్సర వేడుకలు