వామనరావు దంపతుల హత్య కేసులో పోలీసుల విచారణ కొనసాగుతోంది. పుట్ట మధు దంపతులతో పాటు పూదరి సత్యనారాయణలపై ఫిర్యాదు ఇచ్చినప్పటికీ ఎలాంటి స్పందన లేదని వామనరావు తండ్రి కిషన్రావు మరోసారి ఐజీ దృష్టికి తీసుకెళ్లారు. దీంతో.. అజ్ఞాతంలో ఉన్న పుట్ట మధును అదుపులోకి తీసుకున్న పోలీసులు రామగుండం కమిషనరేట్లో అడ్మిన్‌ డీసీపీ అశోక్‌ నేతృత్వంలో నిన్న... రోజంతా విచారించారు.
తాజాగా... పుట్ట మధు సతీమణి శైలజను, కమాన్‌పూర్ మార్కెట్ ఛైర్మన్ సత్యనారాయణను విచారణకు పిలిచిన పోలీసులు... పలు కోణాల్లో విచారిస్తున్నారు. ఈ విచారణకు వామనరావు తండ్రి కిషన్‌రావును కూడా పోలీసులు పిలిపించారు.
