'విదేశాలతో స్నేహపూర్వకంగా ఉంటూనే.. సైన్యం బలోపేతానికి పీవీ కృషి'

మాజీ ప్రధాని పీవీ నర్సింహారావు శతజయంతి సందర్భంగా... ఇందిరా భవన్​లో వెబ్​నార్​ సమావేశం నిర్వహించారు. ప్రధానిగా ఉన్నప్పుడు విదేశాంగ విధానం ఏ విధంగా బలోపేతం చేశారనే అంశంపై చర్చించారు.

మాజీ ప్రధాని, స్వర్గీయ పీవీ నర్సింహారావు... రష్యాతో స్నేహపూర్వక సంబంధాలను కొనసాగిస్తూనే దేశ సైన్యాన్ని బలోపేతం చేశారని పీసీసీ అధ్యక్షుడు ఉత్తమ్‌కుమార్‌ రెడ్డి అన్నారు. పీవీ శతజయంతి ఉత్సవాల్లో భాగంగా... ఉత్సవ కమిటీ ఛైర్​పర్సన్​ మాజీ మంత్రి గీతారెడ్డి ఆధ్వర్యంలో... పీవీ ప్రధానిగా ఉన్నప్పుడు వేదేశాంగ విధానం ఏ విధంగా బలోపేతమైంది... ఇతర దేశాలతో ఎలాంటి సత్సంబంధాలు నెరిపారు అనే అంశాలపై వెబ్​నార్​ సమావేశం నిర్వహించారు.

తాను ఎయిర్​ క్రాఫ్ట్​లో కెప్టెన్​గా ఉన్నప్పుడు... వాయుసేన బలోపేతానికి మిగ్​-21ఫ్లైట్​లు పీవీ అందించారని ఉత్తమ్ గుర్తు చేశారు. అమెరికా, రష్యాతో సంబంధాలు... యూఎన్​ఏలో శాశ్వత సభ్యత్వం కోసం పీవీ చేసిన ప్రయత్నాల గురించి... మాజీ కేంద్ర మంత్రి శశిథరూర్​ వివరించారు. కార్యక్రమంలో రాష్ట్ర వ్యవహారాల ఇంఛార్జి ఆర్సీ కుంతియా, ఏఐసీసీ కార్యదర్శులు బోసురాజు, శ్రీనివాస్ కృష్ణన్, కమిటీ గౌరవాధ్యక్షుడు వీ హనుమంతరావు, వైస్​ ఛైర్మన్​ శ్రీధర్ బాబు, తదితరులు పాల్గొన్నారు.

ఇదీ చూడండి: కరాచీలోనే డాన్​ దావూద్‌.. అంగీకరించిన పాక్‌‌!