ఆటో చక్రాల కింద పడి రెండేళ్ల చిన్నారి మృతి

పేట్ బషీరాబాద్ పీఎస్​ పరిధిలోని దూలపల్లిలో దారుణం చోటుచేసుకుంది. బుడి బుడి అడుగులు వేస్తూ...అప్పటివరకు కళ్లముందు అడుతూ కనిపించిన ఆ చిన్నారి మృతితో ఆ కుటుంబంలో విషాదం చోటుచేసుకుంది. తల్లిదండ్రుల ఆర్తనాదాలు మిన్నంటాయి. టాటాఏస్ ఆటో చక్రాల కింద పడి రెండేళ్ల చిన్నారి మృతి చెందడం అందరినీ కలచివేసింది.

మేడ్చల్ జిల్లా దూలపల్లిలో టాటాఏస్​ ఆటో వెనుక చక్రాల కింద పడి రెండేళ్ల చిన్నారి మృతి చెందింది. వినీత- శ్రవణ్​ దంపతులు దూలపల్లిలో నివాసముంటున్నారు. వారి రెండేళ్ల కూతురు ఆరాధ్య. గురువారం మధ్యాహ్నం పాప మామ టాటాఏస్ వాహనాన్ని వెనక్కి తీస్తుండగా వెనక చక్రాలు పాప పైకి ఎక్కాయి. ప్రమాదవాశాత్తు జరిగిన ఈ ఘటనలో ఆరాధ్య అక్కడి అక్కడే మృతి చెందింది.

ఘటన స్థలానికి చేరికున్న పేట్ బషీరాబాద్ పోలీసులు కేసు నమోదు చేసి దర్యాప్తు చేస్తున్నారు.

ఇదీ చూడండి: ఏడడుగులు వేశాడు.. ఏడేళ్లు నరకం చూశాడు