ఉద్యోగ భద్రతపై వారంలో కీలక నిర్ణయం తీసుకుంటామని ఆర్టీసీ ఇంఛార్జీ ఎండీ సునీల్ శర్మ స్పష్టం చేశారు. ఉద్యోగుల బాగోగుల కోసం సంక్షేమ కమిటీలను ఏర్పాటు చేశామని... సమస్యలను తక్షణమే పరిష్కరించేలా చర్యలు తీసుకుంటామని హామీ ఇచ్చారు. ఉద్యోగుల ఓడీలు బదిలీలకు సంబంధించిన అంశాలపై చర్చిస్తున్నామన్నారు. బాగ్‌ లింగంపల్లిలోని ఆర్టీసీ కల్యాణ మండపంలో ఇంధనం అధికంగా వాడకు- పర్యావరణాన్ని పరిరక్షించు అనే నినాదంతో నిర్వహించిన బెస్టు కేఎంపీఎల్‌ అవార్డుల ప్రదానోత్సవానికి సునిల్ శర్మ ముఖ్య అతిథిగా హాజరయ్యారు.
ఇంధనం పొదుపు చేసిన 11 మంది డ్రైవర్లకు అవార్డులు ప్రదానం చేశారు. ఇంధనం పొదుపు చేసిన వారిలో నిజామాబాద్ డిపోకు చెందిన డ్రైవర్ జి నర్సయ్యకు మొదటిస్థానం, హబీబుద్దీన్ రెండో స్థానం, సైదులుకు మూడో స్థానం లభించింది.
ఇదీ చూడండి: మెట్రోకు రూ. 1200 కోట్లు ఇచ్చాం: కిషన్ రెడ్డి
