ఏపీ రాజధాని వికేంద్రీకరణ, సీఆర్డీఏ రద్దు చట్టాలను సవాల్ చేస్తూ ఆ రాష్ట్ర హైకోర్టులో పిటిషన్ దాఖలైంది. తెదేపా ఎమ్మెల్సీ అశోక్బాబు వ్యాజ్యాన్ని దాఖలు చేశారు. ఏడుగురిని ప్రతివాదులుగా చేర్చారు.
స్టేటస్ కో....
పాలన వికేంద్రీకరణ, సీఆర్డీఏ చట్టం రద్దు విషయంలో ప్రభుత్వం జారీ చేసిన గెజిట్ నోటిఫికేషన్లపై హైకోర్టు స్టేటస్ కో విధిస్తూ మధ్యంతర ఉత్తర్వులు జారీ చేసింది. ఈ పిటిషన్లో కౌంటర్లు దాఖలు చేయాలని రాష్ట్ర సీఎస్, సీఆర్డీఏ అధికారులకు స్పష్టం చేసింది. తదుపరి విచారణను ఈనెల 14కు వాయిదా వేసిన విషయం తెలిసిందే.
