ఇళ్ల మధ్య ఎమ్మెల్యే బార్ అండ్ రెస్టారెంట్.. వద్దంటూ మహిళల ఆందోళన

Tdp And Aidwa Leaders Protest: ప్రజలు నివసించే ఇళ్ల మధ్యలో ఉన్న మద్యం దుకాణాన్ని తొలిగించాలని ఏపీ విజయవాడలో తెలుగుదేశం పార్టీ, ఐద్వా మహిళా సంఘాల నాయకులు ఆందోళన నిర్వహించారు. ఆందోళనకు దిగిన మహిళా నేతలను అదుపులోకి తీసుకున్న పోలీసులు స్టేషన్​కు తరలించారు.

Tdp And Aidwa Leaders Protest: నివాసాల మధ్యలో ఏర్పాటు చేసిన మద్యం దుకాణాన్ని తొలగించాలంటూ మహిళలు ఆందోళనకు దిగారు. ఆంధ్రప్రదేశ్​ విజయవాడలోని అజిత్​సింగ్​ నగర్​లో ఏర్పాటు చేసిన దిల్‌ ఖుష్‌ బార్‌ అండ్‌ రెస్టారెంట్​ను తొలగించాలని తెదేపా, ఐద్వా మహిళా సంఘాల నేతలు నిరసనకు దిగారు. విజయవాడ సెంట్రల్‌ ఎమ్మెల్యే మల్లాది విష్ణుకు చెందిన మద్యం దుకాణం కావటంతో భారీగా పోలీసులను మోహరించారు.

ఆందోళనకు దిగిన మహిళా నేతలను పోలీసులు అదుపులోకి తీసుకున్నారు. అనంతరం వారిని స్టేషన్​కు తరలించారు. దీంతో అజిత్​సింగ్ నగర్​లో ఉద్రిక్తత నెలకొంది. పోలీసుల పహారా మధ్యలో బ్రాందీ షాపు నిర్వహించడం సిగ్గుచేటని పలువురు మహిళలు ఆగ్రహం వ్యక్తం చేశారు.

ఇవీ చదవండి: ఏం స్వామి బాగున్నావా... ఫ్లోరైడ్​ బాధితుడి ఇంట్లో భోజనం చేసిన కేటీఆర్