తార్నాక కార్పొరేటర్ అలకుంట సరస్వతి హరి తిరుగుబాటు జెండా ఎగురవేశారు. సిట్టింగ్ కార్పొరేటర్ అయినా... బీసీ మహిళను కాదని ఓసీకి కార్పొరేటర్ టికెట్ ఇచ్చారని ఆవేదన వ్యక్తం చేశారు. తమకు టికెట్ రాకుండా డిప్యూటీ స్పీకర్, స్థానిక ఎమ్మెల్యే పద్మారావు గౌడ్ అడ్డుకున్నారని ఆరోపించారు.
పార్టీ టికెట్ ఇవ్వకపోయినా... కేసీఆర్, కేటీఆర్ ఫొటోలతో ప్రచారం చేసి గెలుస్తానని ఆమె తెలిపారు. వివిధ కులాలకు చెందినవారు అత్యధికంగా ఉన్నప్పటికీ ఓసీకి టికెట్ ఇచ్చి... బలహీన వర్గాలను అవమానపరిచారని ఆవేదన చెందారు.
ఇదీ చూడండి: ముగిసిన నామినేషన్ల సందడి.. చివరిరోజు కోలాహలం
