మర్రి లక్ష్మణ్ రెడ్డి ఇనిస్టిట్యూట్ ఆఫ్ టెక్నాలజీ కళాశాల కార్యదర్శి, మల్కాజిగిరి పార్లమెంట్ నియోజకవర్గ తెరాస ఇంఛార్జి మర్రి రాజశేఖర్రెడ్డి త్రీడీ ఫేస్మాస్క్లను మంత్రి కేటీఆర్కు అందజేశారు. వైరస్ను నాశనం చేసే త్రీడీ ఫేస్మాస్క్ వినూత్న ప్రయత్నాన్ని మంత్రి అభినందించారు. రాష్ట్రంలో కరోనా వ్యాధి విస్తరించకుండా తీసుకొనే చర్యలలో భాగంగా ఫేస్మాస్క్లు కీలకమైనవని.. ఆ దిశగా త్వరోలోనే నిర్ణయం తీసుకొని రాష్ట్రవ్యాప్తంగా వీటిని ఉపయోగించే చర్యలు తీసుకుంటామని కేటీఆర్ తెలిపారు. మర్రి లక్ష్మణ్రెడ్డి విద్యాసంస్థల ఇంక్యుబేషన్ సెంటర్ ద్వారా త్రీడీ లేజర్ టెక్నాలజీతో తయారు చేసిన యువీ ట్రాలీని మంత్రి కేటీఆర్కు అందచేశారు. ఈ పరికరం ద్వారా చుట్టూ ఉన్న వాతావరణంలోని కొవిడ్ వైరస్ వ్యాప్తి చెందకుండా, బ్యాక్టీరియా ఆర్ఎన్ఏ అభివృద్ధి చెందకుండా పూర్తిగా నాశనం చేస్తాయి. ఈ పరికరం ఇంటి పరిసరాలు, ఆసుపత్రి గదుల్లో వాడేలా తయారుచేశామన్నారు. ఈ వినూత్న ఆవిష్కరణను వాడుకలోకి తీసుకురావాల్సిన అవసరం ఉందని మర్రి రాజశేఖర్ రెడ్డి బృందాన్ని మంత్రి కేటీఆర్ అభినందించారు.
ఇవీ చూడండి: మూడు నెలలు అద్దె అడగొద్దు.. ఉత్తర్వులు జారీ
