డెంగీ... కుమార్తెను చంపింది, వాళ్లని అప్పల పాలు చేసింది

వారం రోజులుగా కుమార్తె డెంగీతో బాధపడుతోంది. అప్పు చేసైన సరే బతికించుకోవాలని మెరుగైన చికిత్స అందించేందుకు కిమ్స్ ఆస్పత్రిలో చేర్పించారు. వేలకు వేలు డబ్బులు పెట్టి మందులు కొన్నారు. చివరకు డెంగీ తీవ్రత ఎక్కువై కన్నపేగు కనుమూసింది. అయినా సరే కనికరించని ఆస్పత్రి యాజమాన్యం డబ్బు చెల్లించేవరకు మృతదేహాన్ని ఇవ్వమన్నారు. చేసేదేం లేక అప్పు తీసుకొచ్చి కుమార్తె మృతదేహాన్ని తీసుకెళ్లారు.

రోజురోజుకీ విషజ్వరాలు విజృంభిస్తున్నాయి. తాజాగా సికింద్రాబాద్​లోని రసూల్​పురాలో పదో తరగతి విద్యార్థిని డెంగీ బారినపడి మృతి చెందింది. అదే ప్రాంతంలో నివాసం ఉంటున్న గౌతమి గత వారం రోజుల నుంచి డెంగీతో బాధపడుతూ... కిమ్స్ ఆస్పత్రిలో చికిత్స పొందుతోంది. నిన్న రాత్రి 12 గంటల సమయంలో డెంగీ తీవ్రత పెరిగి మృతి చెందింది. గౌతమి మరణంతో వారి కుటుంబ సభ్యులు కన్నీరుమున్నీరవుతున్నారు. చికిత్స పేరుతో ఆస్పత్రి యాజమాన్యం తమ వద్ద ఎక్కువ మొత్తంలో డబ్బులు వసూలు చేశారని... చివరకి కూతురు చనిపోయాక కూడా డబ్బు చెల్లించి మృతదేహాన్ని తీసుకెళ్లాలని చెప్పినట్లు తెలిపారు.

ఇవీ చూడండి: రాష్ట్రంలో హెల్త్‌ ఎమర్జెన్సీ ప్రకటించాలి: లక్ష్మణ్​