రంగారెడ్డి జిల్లా పెద్ద గోల్కొండ బాహ్యవలయ రహదారిపై ఘోర రోడ్డు ప్రమాదం చోటుచేసుకుంది. కూలీలు వెళ్తున్న బొలేరో వాహనాన్ని వెనక నుంచి లారీ బలంగా ఢీ కొట్టింది. ఈ ఘటనలో డ్రైవర్తో సహా ఐదుగురు అక్కడికక్కడే దుర్మరణం చెందారు. మరో మహిళ ఆసుపత్రిలో చికిత్స పొందుతూ మృతి చెందింది. మృతుల్లో ఓ చిన్నారి, మరో బాలిక ఉన్నారు. గాయపడ్డ ఆరుగురు ఆసుపత్రిలో చికిత్స పొందుతున్నారు.
కర్ణాటకకు చెందిన వీరు కరోనా ప్రభావంతో పనులు లేక సూర్యాపేట నుంచి సొంత గ్రామం రాయచూర్కి బయలుదేరారు. పెద్ద గోల్కొండ సమీపానికి రాగానే ప్రమాదానికి గురయ్యారు. ఘటనాస్థలానికి చేరుకున్న ఓఆర్ఆర్ సిబ్బంది ఉస్మానియా ఆసుపత్రికి తరలించారు. ట్రక్లో సుమారు 30 మంది కూలీలు ఉంటారని పోలీసులు తెలిపారు. నూజివీడు నుంచి మామిడి పండ్లను తీసుకొస్తున్న గుజరాత్ లారీగా గుర్తించారు. కేసు నమోదు చేసి దర్యాప్తు చేస్తున్నారు. లారీ డ్రైవర్ కోసం పోలీసులు గాలిస్తున్నారు.
ఇదీ చూడండి: జిల్లాల్లోనే మంత్రులు.. కరోనాపై సమీక్షలు
