వాహనం ఆపమన్నందుకు విధుల్లో ఉన్న ట్రాఫిక్ సిబ్బందిపై దాడి చేశాడు ఓ వాహనదారుడు. హైదరాబాద్ లంగర్హౌస్ పోలీస్ స్టేషన్ పరిధిలోని బాపూఘాట్ రామాలయం వద్ద టోలిచౌక్ ట్రాఫిక్ సిబ్బంది సాధారణ తనిఖీలు నిర్వహిస్తున్నారు. అదే సమయంలో యాక్టివా వాహనంపై వెళ్తున్న షేక్ హాజీ పాషాను పోలీసులు ఆపమన్నారు. తను వాహనం ఆపకుండా... వేగంగా తప్పించుకునే ప్రయత్నం చేశాడు. ఈ క్రమంలో రవి అనే హోంగార్డ్పైకి వాహనాన్ని ఎక్కించి... దాడికి పాల్పడ్డాడు.
బండి ఆపమన్నందుకు ట్రాఫిక్ సిబ్బందిపై దాడి... అరెస్ట్
ఈ గొడవను గమనించిన మరికొందరు షేక్ హాజీ పాషా మిత్రులు కూడా... పోలీసులపై దాడికి తెగబడ్డారు. ఇష్టం వచ్చినట్టు రవిపై దాడి చేశారు. ఇది గమనించిన తోటి ట్రాఫిక్ పోలీసులు ఆపడానికి ప్రయత్నించినా... సాధ్యం కాలేదు. వెంటనే లంగర్ హౌస్ పోలీసులను ఆశ్రయించారు. కేసు నమోదు చేసుకొని దాడికి పాల్పడ్డ ముగ్గురు నిందితులను పోలీసులు అదుపులోకి తీసుకున్నారు.
