వరద ప్రభావిత ప్రాంతాల్లో అక్బరుద్దీన్ ఓవైసీ సుడిగాలి పర్యటన

హైదరాబాద్​ పాతబస్తీ చాంద్రాయణగుట్ట పరిధిలో ముంపునకు గురైన ప్రాంతాలను ఎమ్మెల్యే అక్బరుద్దీన్ ఓవైసీ పరిశీలించారు. సహాయక చర్యలు వేగవంతం చేయాలని అధికారులను ఆదేశించారు.

హైదరాబాద్ పాతబస్తీ చాంద్రాయణగుట్ట నియోజకవర్గంలో ఎమ్మెల్యే అక్బరుద్దీన్​ ఓవైసీ పర్యటించారు. బాబా నగర్, ఫూల్ బాగ్​, ఒమర్ కాలనీ, గాజి మిల్లత్ కాలనీ, తదితర ప్రాంతాలను స్థానిక కౌన్సిలర్లతో కలిసి పరిశీలించారు.

వర్షంలో తడుస్తూనే ముంపు ప్రాంతాల్లో అక్బరుద్దీన్​ తిరిగారు. ప్రజలతో మాట్లాడి జరిగిన నష్టం గురించి తెలుసుకున్నారు. సిబ్బంది చేపడుతున్న సహాయక చర్యలను పర్యవేక్షించారు. వేగవంతం చేయాలని అధికారులను ఆదేశించారు.

ఇదీ చూడండి: రాంపూర్​ శివారులో మంత్రి హరీశ్​ రావు వాహనం తనిఖీ