సంక్రాంతి పండుగ అనంతరం ఇంటర్మీడియట్ తరగతులు ప్రారంభించే అవకాశం ఉందని విద్యాశాఖ మంత్రి సబితా ఇంద్రారెడ్డి తెలిపారు. తెలంగాణ ప్రైవేట్‌ జూనియర్‌ కాలేజ్ మేనేజ్‌మెంట్‌ అసోసియేషన్‌(టీపీజేఎంఏ) డైరీని మంత్రి శనివారం ఆవిష్కరించారు. ఈ విద్యా సంవత్సరం ఎలాంటి అవాంతరాలు లేకుండా సజావుగా కొనసాగాలని అందరం ఆశిద్దామని మంత్రి సబితా ఇంద్రారెడ్డి అన్నారు. కార్యక్రమంలో సంఘం రాష్ట్ర అధ్యక్షుడు గౌరీ సతీష్‌, ప్రధాన కార్యదర్శి తిరుపతిరెడ్డి తదితరులు పాల్గొన్నారు.
బడులు ప్రారంభించండి: టీపీఏ
సంక్రాంతి పండగ అనంతరం పాఠశాలలు, కళాశాలలను తిరిగి ప్రారంభించాలని తెలంగాణ తల్లిదండ్రుల సంఘం(టీపీఏ) తెలంగాణ విద్యాశాఖ మంత్రి సబితా ఇంద్రారెడ్డిని కోరింది. ఈ మేరకు శనివారం టీపీఏ ప్రతినిధుల బృందం మంత్రిని కలిసి విన్నవించింది.
