రాష్ట్రంలో రేపు, ఎల్లుండి భారీ వర్షాలు

రాష్ట్రంలో రేపు, ఎల్లుండి భారీ వర్షాలు కురిసే అవకాశం ఉందని హైదరాబాద్ వాతావరణ శాఖ సూచించింది. బంగాళాఖాతంలో ఏర్పడిన ఉపరితల ఆవర్తనం కొనసాగుతోందని తెలిపింది. ఈ నేపథ్యంలో ఉరుములు, మెరుపులతో కూడిన భారీ వర్షాలు కురిసే అవకాశం ఉందని వాతావరణ శాఖ వెల్లడించింది.

రాష్ట్రంలోని కొన్ని ప్రాంతాల్లో శని, ఆదివారాల్లో ఉరుములు, మెరుపులతో కూడిన భారీ వర్షాలు కురిసే అవకాశం ఉందని హైదరాబాద్​ వాతావరణ కేంద్రం తెలిపింది. శుక్రవారం అక్కడక్కడా తేలకపాటి నుంచి మోస్తరు వర్షాలు పడతాయని వెల్లడించింది.

బంగాళాఖాతంలోని ఆగ్నేయ, నైరుతి ప్రాంతంలో ఏర్పడిన ఉపరితల ఆవర్తనం కొనసాగుతోందని వివరించింది. గురువారం తొమ్మిది జిల్లాల పరిధిలోని పలుప్రాంతాల్లో వానలు కురిశాయి. సంగారెడ్డి జిల్లా అమీన్​పూర్​ మండలం కిష్టారెడ్డిపేటలో 5.4, పటాన్​చెరు మండలం పాశమైలారంలో 5.1 సెంటీమీటర్ల చొప్పున వర్షం పడింది.

ఇదీ చూడండి : ప్రైవేట్‌ పాఠశాలల ఇష్టారాజ్యం.. ప్రభుత్వం చెప్పినా ఫీ'జులుం'