గ్రేటర్ హైదరాబాద్లో 57 పార్కులను థీమ్ పార్కులుగా అభివృద్ధి చేయాలని జీహెచ్ఎంసీ నిర్ణయించింది. ఇప్పటికే ఉన్న ఈ పార్కులను వినూత్నంగా పునర్నిర్మించి నగరవాసులకు ఆహ్లాదాన్ని పంచేందుకు ప్రణాళికలు సిద్ధం చేస్తోంది.
ఇందిరా పార్కు, జలగం వెంగళ్రావు పార్కులను అంతర్జాతీయ ప్రమాణాలతో అభివృద్ధి చేయడానికి డిజైన్లు రూపొందించేందుకు టెండర్లను కూడా ఆహ్వానించారు. ఈ ప్రతిపాదిత 57 పార్కుల్లో ఎల్బీనగర్ జోన్లో 16, కూకట్పల్లి జోన్లో 6, శేరిలింగంపల్లి జోన్లో 10, సికింద్రాబాద్ జోన్లో 8, ఖైరతాబాద్ జోన్లో 14, చార్మినార్ జోన్లో 3 పార్కులను థీమ్ పార్కులుగా రూపొందించనున్నారు.
థీమ్ పార్కుల్లో.. సైన్స్, పర్యావరణ, బతుకమ్మ, 7 వండర్లు, ఇల్యూషన్, నాలెడ్జ్, జపనీస్, మొఘల్ గార్డెన్, నిజాం షాహీ థీమ్ పార్కు, ఫౌంటెన్ థీమ్, రాక్ గార్డెన్, చిల్డ్రన్స్, విమెన్ వంటి తదితర థీమ్లతో పార్కులను అభివృద్ధి చేయాలని జీహెచ్ఎంసీ అధికారులు నిర్ణయించారు. ఈ డిజైన్లు రూపొందించి పనులు ప్రారంభించేందుకు జీహెచ్ఎంసీ అర్బన్ బయోడైవర్సిటీ విభాగం చర్యలు చేపట్టింది.
- ఇదీ చూడండి : హైదరాబాద్లో మల్టీమోడల్‌ లాజిస్టిక్‌ పార్కు
