లారీ కంటైనర్​లో 1470 కేజీల గంజాయి తరలింపు.. పట్టివేత

ఏపీలోని తూర్పుగోదావరి జిల్లా డొంకరాయి వద్ద లారీ కంటైనర్​లో తరలిస్తున్న 1470 కేజీల గంజాయిని పోలీసులు పట్టుకున్నారు. ముగ్గురు వ్యక్తులను చింతూరు పోలీసులు అరెస్ట్​ చేశారు. వీటి విలువ రూ. 44 లక్షలు ఉంటుందని సీఐ తెలిపారు.

ఆంధ్రప్రదేశ్​లోని తూర్పుగోదావరి జిల్లా డొంకరాయి వద్ద పోలీసులు చేపట్టిన వాహన తనఖీల్లో భారీగా గంజాయి స్వాధీనం చేసుకున్నారు. లారీ కంటైనర్​లో రూ. 44 లక్షల విలువైన గంజాయిని తరలిస్తున్న ముగ్గురు వ్యక్తులను అరెస్ట్​ చేశారు. వీరి వద్ద నుంచి 42 సంచుల్లో 1470 కేజీల గంజాయిని స్వాధీనం చేసుకున్నట్లు చింతూరు సీఐ యువకుమార్​ తెలిపారు.

ఇవీ చూడండి: రాష్ట్రంలో అంతకంతకూ విజృంభిస్తున్న కరోనా..