ఉప్పాడ చేపల రేవులో ఈల్ చేపల సందడి..

ఏపీలోని తూర్పు గోదావరి జిల్లా యు. కొత్తపల్లి మండలం ఉప్పాడ చేపలరేవులో ఈల్ చేపలు సందడి చేశాయి. ఓ మత్స్యకారుడికి ఈ చేపలు దొరికాయి. పాములా ఉండే ఈ చేపలను చూసేందుకు అందరూ ఆసక్తి చూపారు.

ఉప్పాడ చేపల రేవులో ఈల్ చేపల సందడి..

ఈ చిత్రంలో కనిపిస్తున్నవి పాములు అనుకుంటే పొరపాటే..అవి చేపలే. ఆంధ్ర ప్రదేశ్​లోని తూర్పు గోదావరి జిల్లా యు. కొత్తపల్లి మండలం ఉప్పాడ చేపలరేవులో ఓ మత్స్యకారుడికి ఈ చేపలు లభ్యమయ్యాయి. స్థానికంగా వీటిని తెల్ల, నల్ల పాములు అని పిలుస్తారు. వీటి శాస్త్రీయనామం ఈల్ చేపలు.

వీటి శరీరంలో ఉండే తెల్లటి బుడగకు చాలా డిమాండ్​ ఉంది. ఈ తెల్ల బుడగను ఔషధాల తయారీలో వాడతారు. పదేళ్ల క్రితం ఈ జాతికి చెందిన చేపలు ఎక్కువగా దొరికేవి. ఇప్పుడు చాలా అరుదుగా వస్తుంటాయని స్థానిక మత్స్యకారులు అంటున్నారు. ఈ చేపలను చూడటానికి సందర్శకులు పోటీపడ్డారు.

ఇదీ చదవండి:ఎస్‌బీఐలో నకిలీ బంగారం కలకలం.. రూ. కోటికి పైగా స్వాహా..