'ఐదారేళ్లలో ఆయుధ సంపత్తిలోనూ దేశం స్వయం సమృద్ధి'
వైద్య పరికరాలను మరింత తక్కువ ధరలకే సాధారణ ప్రజలకు అందించాల్సిన అవసరముందని... ఆ దిశగా డీఆర్డీఓ కృషి చేస్తోందని... ఆ సంస్థ ఛైర్మన్ సతీష్‌రెడ్డి తెలిపారు. వైద్యరంగంలో మరింత పరిశోధనలు జరగాల్సి ఉందన్నారు. ఈ దిశగా ప్రయోగాలు చేయాలనుకునే ఈఎస్ఐ వైద్య కళాశాల విద్యార్థులు... డీఆర్డీఓ ల్యాబ్‌లలో పనిచేసేందుకు వీలుగా ఒప్పందాలు చేయనున్నట్టు ప్రకటించారు.
దేశంలోనే మొట్టమొదటి బీఎస్4 ల్యాబ్‌ని డీఆర్డీఓ త్వరలో ఆవిష్కరించనున్నట్టు తెలిపారు. డీఆర్డీఓ తయారు చేసిన కాంక్లియార్ ఇంప్లాంట్‌ని ఇప్పటికే ఐదుగురు రోగులకు అమర్చి... వారి ఆరోగ్య పరిస్థితులను సమీక్షిస్తున్నట్టు వివరించారు. కొవిడ్ సమయంలో ఈఎస్ఐతో కలిసి అనేక ప్రయోగాలు చేశామన్న సతీష్‌రెడ్డి.... భవిష్యత్తులోనూ ఆ బంధాన్ని కొనసాగించనున్నట్టు వివరించారు.
