ఆంధ్రా-ఒడిశా సరిహద్దు చిత్రకొండ పోలీస్ స్టేషన్ పరిధిలో సింగవరం గ్రామంలో ఈ నెల 12వ తేదీన జరిగిన ఎన్కౌంటర్ను వ్యతిరేకిస్తూ మావోయిస్టు పార్టీ ఈ నెల 21న ఏవోబీ ప్రాంతంలో బంద్కు పిలుపునిచ్చింది. మావోయిస్టు పార్టీ ఏవోబీ ఎస్జెడ్సీ అధికార ప్రతినిధి కైలాసం పేరిట లేఖ, ఆడియో టేప్ విడుదల చేశారు. నిద్రలో ఉన్న మావోయిస్టులపై దారుణంగా కాల్పులు జరిపి హతమార్చారని ఆవేదన వ్యక్తం చేశారు.
రాత్రి రెండుగంటల సమయంలో ఒడిశా పోలీసులు మావోయిస్టులను చుట్టుముట్టి పట్టుకుని కాల్చి చంపారని ఆరోపించారు. పార్టీ సభ్యులతో పాటు అదే గ్రామానికి చెందిన పసిపాపను కూడా హతమార్చారని వాపోయారు. ఈ ఘటనను దారుణంగా ఖండిస్తూ ఏవోబీ ప్రాంతమంతటా బంద్ పాటించాలని లేఖలో స్పష్టం చేశారు.
ఇదీ చదవండి: పట్టాలు దాటుతుండగా రైలు ఢీ కొట్టి 150 గొర్రెలు మృతి
