ఏవోబీ ఎన్​కౌంటర్​లో గాయపడిన నక్సల్స్​ లొంగిపోవాలి: ఏఎస్పీ

అమాయక గిరిజనులను మభ్యపెట్టి మావోయిస్టులు దళంలో చేర్చుకున్నారని ఏపీలోని విశాఖ జిల్లా చింతపల్లి ఏఎస్పీ విద్యాసాగర్ నాయుడు అన్నారు. వీరిని అడ్డుపెట్టుకుని ఎన్​కౌంటర్​లలో సీనియర్లు తప్పించుకుంటున్నారన్నారు. దిగజనబ అటవీ ప్రాంతంలో జరిగిన కాల్పులో ఏవరైనా గాయపడి ఉంటే వారు లొంగిపోవాలని సూచించారు. వారికి తక్షణం వైద్య సహాయం అందిస్తామని తెలిపారు.

అమాయకులను మానవ కవచాలుగా ఉపయోగించుకుని ఎన్​కౌంటర్లలో మావోయిస్టు సీనియర్లు తప్పించుకుంటున్నారని విశాఖ చింతపల్లి ఏఎస్పీ విద్యాసాగర్ నాయుడు తెలిపారు. పక్కా సమాచారంతోనే ఒరిస్సా, విశాఖ పోలీసు బలగాలు సంయుక్తంగా ఎన్​కౌంటర్​లో పాల్గొన్నాయన్నారు. మావోయిస్టులు హింస వదిలిపెట్టి జనజీవన స్రవంతిలోకి వస్తే ప్రభుత్వ పరంగా లభించే పునరావాస పథకాలు అందిస్తామన్నారు.

దిగజనబ అటవీ ప్రాంతంలో గాలింపు బలగాల లక్ష్యంగా మావోలు కాల్పులు జరపడంతో ఆత్మరక్షణ కోసమే పోలీసులు కాల్పులు జరిపాయన్నారు. ఈ ఘటనలో ఒక మావోయిస్టు మరణించగా.. మావో అగ్రనేతలు తప్పించుకున్నారన్నారు. ఈ కాల్పుల్లో ఎవరైనా గాయపడిన వారు.. లొంగిపోతే తక్షణం వైద్య సహాయం అందిస్తామని చింతపల్లి ఏఎస్పీ తెలిపారు.

ఇవీచూడండి: ఓ కట్టు కథ అల్లారు... రూ.1.45లక్షలు దోచారు