హైదరాబాద్లో ప్రతి ఏటా జరిగే బయోఆసియా సదస్సును ఐటీ, పరిశ్రమల శాఖ మంత్రి కేటీఆర్ లాంఛనంగా ప్రారంభించనున్నారు. ఏటా జీవశాస్త్ర రంగంలో అత్యుత్తమ సేవలందించేవారికి పురస్కారాలు అందించనున్నారు. ఈ సందర్భంగా భారత్ బయోటెక్ సీఎండీ కృష్ణ ఎల్ల, జేఎండీ సుచిత్ర ఎల్లకు జీనోమ్ వ్యాలీ ప్రతిభా పురస్కారం ప్రదానం చేయనున్నారు. ప్రారంభోత్సవం సందర్భంగా జీవ అధ్యయన పరిశోధన సంస్థ సంచాలకుడు పీటర్ మార్క్స్ కీలకోపాన్యాసం చేయనున్నారు.
పలు దేశాల నుంచి నిపుణులు పెద్ద సంఖ్యలో పాల్గొనే ఈ సదస్సులో.. కోవిడ్ నేపథ్యంలో ఈసారి వర్చువల్గా నిర్వహించనున్నట్లు నిర్వాహకులు ప్రకటించారు. ఈసారి 18వ ఎడిషన్ సదస్సు "మూవ్ ద నీడిల్" అనే థీమ్పై నిర్వహించనున్నారు. ఈసారి సదస్సు ప్రధానంగా కోవిడ్ విసిరిన సవాళ్లు, లైఫ్ సైన్సెస్ రంగంలో తీసుకొవచ్చిన మార్పులు, ఇమ్యునైజేషన్లో భారత పాత్ర వంటి అంశాలపై సుధీర్ఘంగా చర్చించనున్నారు.
రెండు రోజుల పాటు జరగనున్న ఈ సదస్సులో రెండోరోజు మైక్రోసాఫ్ట్ సత్య నాదెల్ల, ప్రపంచ ఆరోగ్య సంస్థ సీఎస్ఓ డా. సౌమ్య స్వామినాథన్, నీతి ఆయోగ్, గేట్స్ ఫౌండేషన్, సెపి, ఎఫ్డీఏ వంటి అంతర్జాతీయ సంస్థల నుంచి గ్లోబల్లీడర్లు పాల్గొననున్నారు. రెండోరోజు జరగబోయే చర్చలో మైక్రోసాఫ్ట్ సీఈఓ సత్య నాదెళ్లతో మంత్రి కేటీఆర్ సాంకేతిక అవకాశాలపై చర్చించనున్నారు.
