ఆర్టీసీ సమ్మె: 12 నుంచి నిరవధిక నిరాహార దీక్ష

హైదరాబాద్​​లోని ఈయూ కార్యాలయంలో ఆర్టీసీ జేఏసీ నాయకులు, విపక్ష పార్టీలు, ప్రజాసంఘాల నేతలు సమావేశమయ్యారు. అశ్వత్థామరెడ్డితోపాటు నలుగురు కోకన్వీనర్లతో ఎల్లుండి నుంచి నిరవధిక నిరాహార దీక్షకు కూర్చుంటామని తెలిపారు. హక్కులు సాధించేవరకు పోరాటం ఆపేది లేదని తేల్చిచెప్పారు.

ఛలో ట్యాంక్​బండ్​ కార్యక్రమాన్ని దిగ్విజయంగా నిర్వహించిన కార్మికులు, రాజకీయ పార్టీలు, విద్యార్థి, ఉద్యోగ. ఉపాధ్యాయ సంఘాలకు ఆర్టీసీ ఐకాస కన్వీనర్ అశ్వత్థామరెడ్డి కృతజ్ఞతలు తెలిపారు. ఈ నెల 12న ఆయనతో పాటు నలుగురు కోకన్వీనర్లతో నిరవధిక నిరాహార దీక్ష చేయనున్నట్లు వెల్లడించారు. నిన్న ట్యాంక్​బండ్ వద్ద జరిగిన దమనకాండను ఖండించారు. రేపు అన్ని నియోజక వర్గాల్లో ​ఎమ్మెల్యేలు, ఎమ్మెల్సీల ఇళ్ల ముందు నిరసనలు చేపట్టనున్నట్లు తెలిపారు. కోర్టు సూచనల మేరకు వెంటనే ప్రభుత్వం చర్చలు చేపట్టాలని డిమాండ్​ చేశారు.

హైకోర్టు తీర్పు ఎలా వస్తుందో తెలియకుండానే సుప్రీంకోర్టును ఆశ్రయిస్తామని సీఎం అనడం సమంజసం కాదని అశ్వత్థామరెడ్డి అన్నారు. ట్యాంక్​బండ్​పై నిరసనకు గంట సమయం ఇస్తే ఇంత ఇబ్బంది జరిగేదికాదని ఆయన వ్యాఖ్యానించారు.

ఇవీ చూడండి: ఆర్టీసీ ఐకాస భేటీ.. భవిష్యత్ కార్యాచరణపై చర్చ